13 qańtarda Qazaqstanda 834 adamnyń PTR-testi oń shyqty. 91 adam koronavirýs pnevmoniiasyna shaldyqty. Bir kúnde 3 adam - koronavirýstan, 2 adam koronavirýs pnevmoniiasynan qaitys boldy. Densaýlyq saqtaý ministrliginiń 14 qańtar tańerteń habarlamasynda osyndai málimet kórsetilgen.
Ótken táýlikte eń kóp naýqas Nur-Sultan (123) men Almaty qalalarynda (122) tirkelgen. Bir kún buryn da jaǵdai osyǵan uqsas bolǵan. Atyraý oblysynda - 75, Qostanai oblysynda - 74, Pavlodar oblysynda - 70, Soltústik Qazaqstan oblysynda - 59, Aqmola oblysynda- 59, Almaty oblysynda - 56, Qaraǵandy oblysynda - 40, Batys Qazaqstan oblysynda - 40, Shyǵys Qazaqstan oblysynda 39 adamnan koronavirýs anyqtalǵan. Qalǵan oblystar men qalalarda bir kúnde anyqtalǵan naýqastar jiyrmaǵa jetpeidi.
Naýryz aiynan beri koronavirýs juqqany testpen rastalǵan naýqastar 165 311 adamǵa jetken.
Qazaqstan biligi 1 tamyzdan beri pnevmoniianyń koronavirýsqa uqsas túrine jeke kod berip, bólek eseptep keledi. Oǵan deiin qansha adamnyń koronavirýs pnevmoniiasyna shaldyqqany belgisiz.
Densaýlyq saqtaý ministrligi 1 tamyzǵa deiin pnevmoniianyń birneshe túrin birge eseptegenin aitady. 6 aiǵa jýyq ýaqyt ishinde 46 590 adam koronavirýs pnevmoniiasyna shaldyqqan. 532 adam qaitys bolǵan. 34 209 adam jazylǵan.
14 qańtardaǵy málimet boiynsha, 23 608 adam koronovirýs infektsiiasynan (11 759 KVI+ jáne 11 849 KVI-) emdelýde, olardyń ishinde 5 850 patsient statsionarda, 17 758 naýqas ambýlatoriialyq deńgeide em qabyldaýda», - delingen QR Densaýlyq saqtaý ministrliginiń aqparatynda.
KVI+, KVI- shaldyqqandardyń arasynda:
• 272 adamnyń jaǵdaiy aýyr;
• 55 patsienttiń jaǵdaiy óte aýyr;
• 51 naýqas ókpeni jasandy jeldetý apparatyna qosylǵan.
