Foto: Dalanews.kz
2023 jyldyń qarashasynda Almatydaǵy hostelde bolǵan, 13 adamnyń ómirin jalmaǵan qaiǵyly oqiǵaǵa sońǵy núkte qoiyldy, dep habarlaidy Ult.kz.
Bul qylmystyq is Almaly aýdandyq sotynda sýdia Ernar Qasymbekovtyń qaraýymen ótti. Aiyptaýshylar - páterdi jalǵa alǵan Ádilbek Muhamediarov pen órtke qarsy qaýipsizdik júiesin ornatqan kompaniianyń iesi - Aleksandr Pekelnik.
Sot Ádilbek Muhamediarovty kináli dep tanyp, ony 5 jylǵa túzeý koloniiasyna qamaý týraly úkim shyǵardy. Ol 2024 jyldyń naýryzynan bastap úiqamaqta bolǵandyqtan, sot zalynda tutqyndaldy.
Aleksandr Pekelnik te kináli dep tanylyp, 4 jylǵa bas bostandyǵynan aiyryldy. Ol jazasyn eń tómengi rejimdegi túzeý mekemesinde óteidi.
Is boiynsha sot protsesi toǵyz aiǵa sozyldy. Sýdia sottalýshylardyń kinási tolyq dáleldengenin aityp, sanitarlyq talaptardyń buzylýy men jaýapsyzdyqtyń saldarynan 13 adamnyń ottan aman qalýǵa múmkindigi bolmaǵanyn atap ótti.
