فوتو: Dalanews.kz
2023 جىلدىڭ قاراشاسىندا الماتىداعى حوستەلدە بولعان, 13 ادامنىڭ ٶمٸرٸن جالماعان قايعىلى وقيعاعا سوڭعى نٷكتە قويىلدى, دەپ حابارلايدى Ult.kz.
بۇل قىلمىستىق ٸس المالى اۋداندىق سوتىندا سۋديا ەرنار قاسىمبەكوۆتىڭ قاراۋىمەن ٶتتٸ. ايىپتاۋشىلار - پەتەردٸ جالعا العان ەدٸلبەك مۇحامەدياروۆ پەن ٶرتكە قارسى قاۋٸپسٸزدٸك جٷيەسٸن ورناتقان كومپانييانىڭ يەسٸ - الەكساندر پەكەلنيك.
سوت ەدٸلبەك مۇحامەدياروۆتى كٸنەلٸ دەپ تانىپ, ونى 5 جىلعا تٷزەۋ كولونيياسىنا قاماۋ تۋرالى ٷكٸم شىعاردى. ول 2024 جىلدىڭ ناۋرىزىنان باستاپ ٷيقاماقتا بولعاندىقتان, سوت زالىندا تۇتقىندالدى.
الەكساندر پەكەلنيك تە كٸنەلٸ دەپ تانىلىپ, 4 جىلعا باس بوستاندىعىنان ايىرىلدى. ول جازاسىن ەڭ تٶمەنگٸ رەجيمدەگٸ تٷزەۋ مەكەمەسٸندە ٶتەيدٸ.
ٸس بويىنشا سوت پروتسەسٸ توعىز ايعا سوزىلدى. سۋديا سوتتالۋشىلاردىڭ كٸنەسٸ تولىق دەلەلدەنگەنٸن ايتىپ, سانيتارلىق تالاپتاردىڭ بۇزىلۋى مەن جاۋاپسىزدىقتىڭ سالدارىنان 13 ادامنىڭ وتتان امان قالۋعا مٷمكٸندٸگٸ بولماعانىن اتاپ ٶتتٸ.
