Qazaqstan Respýblikasynyń Bas prokýratýrasy jáne Ishki ister ministrliginiń Interpol qyzmetkerlerimen, Qazaqstannyń Túrkiiadaǵy Elshiliginiń qoldaýymen qylmystyq jaýapkershilikke tartý maqsatynda Túrkiia Respýblikasynan Qazaqstan azamaty ekstraditsiialandy. Bul týraly Ult.kz habarlady.
Kúdikti 2022-2023 jyldar aralyǵynda Almaty qalasyndaǵy kommertsiialyq uiymnyń býhgalteri bola otyryp, tólem tapsyrmalaryna jalǵan málimetter engizý arqyly ózine senip tapsyrylǵan 27 million teńgege jýyq aqshalai qarajatyn zańsyz iemdengen.
Qylmys jasaǵannan keiin kúdikti jasyrynǵan, osyǵan bailanysty ol halyqaralyq izdeýge jariialandy.
"Biylǵy tamyzda ol Túrkiia aýmaǵynda ustalyp, sodan keiin Qazaqstan Bas prokýratýrasynyń suraýy boiynsha qazaqstandyq quqyq qorǵaý organdaryna berildi", - delingen habarda.
Qazirgi ýaqytta atalǵan adam Astana qalasynyń tergeý izoliatoryna qamaldy.
Atalǵan qylmysty jasaǵany úshin múlki tárkilenip, jeti jyldan on eki jylǵa deiingi merzimge bas bostandyǵynan aiyrý jazasy qarastyrylǵan.
