قازاقستان رەسپۋبليكاسىنىڭ باس پروكۋراتۋراسى جەنە ٸشكٸ ٸستەر مينيسترلٸگٸنٸڭ ينتەرپول قىزمەتكەرلەرٸمەن, قازاقستاننىڭ تٷركيياداعى ەلشٸلٸگٸنٸڭ قولداۋىمەن قىلمىستىق جاۋاپكەرشٸلٸككە تارتۋ ماقساتىندا تٷركييا رەسپۋبليكاسىنان قازاقستان ازاماتى ەكستراديتسييالاندى. بۇل تۋرالى Ult.kz حابارلادى.
كٷدٸكتٸ 2022-2023 جىلدار ارالىعىندا الماتى قالاسىنداعى كوممەرتسييالىق ۇيىمنىڭ بۋحگالتەرٸ بولا وتىرىپ, تٶلەم تاپسىرمالارىنا جالعان مەلٸمەتتەر ەنگٸزۋ ارقىلى ٶزٸنە سەنٸپ تاپسىرىلعان 27 ميلليون تەڭگەگە جۋىق اقشالاي قاراجاتىن زاڭسىز يەمدەنگەن.
قىلمىس جاساعاننان كەيٸن كٷدٸكتٸ جاسىرىنعان, وسىعان بايلانىستى ول حالىقارالىق ٸزدەۋگە جارييالاندى.
"بيىلعى تامىزدا ول تٷركييا اۋماعىندا ۇستالىپ, سودان كەيٸن قازاقستان باس پروكۋراتۋراسىنىڭ سۇراۋى بويىنشا قازاقستاندىق قۇقىق قورعاۋ ورگاندارىنا بەرٸلدٸ", - دەلٸنگەن حاباردا.
قازٸرگٸ ۋاقىتتا اتالعان ادام استانا قالاسىنىڭ تەرگەۋ يزولياتورىنا قامالدى.
اتالعان قىلمىستى جاساعانى ٷشٸن مٷلكٸ تەركٸلەنٸپ, جەتٸ جىلدان ون ەكٸ جىلعا دەيٸنگٸ مەرزٸمگە باس بوستاندىعىنان ايىرۋ جازاسى قاراستىرىلعان.
