Biyl «Tuńǵysh Prezident jolymen: Beibitshilik pen kelisimniń 30 jyly» teleekspeditsiiasy ótedi. Bul týraly Qazaqstan halqy Assambleiasy tóraǵasynyń orynbasary Maia Bekbaeva aityp berdi, dep habarlaidy QazAqparat.
«QR Táýelsizdiginiń 30 jyldyǵyn toilaý aiasynda «Tuńǵysh Prezident jolymen: Beibitshilik pen kelisimniń 30 jyly» halyq ekspeditsiiasyn jalǵastyramyz. Bul joba ótken jyly Qazaqstan halqy Assambleiasynyń 25 jyldyǵy aiasynda júzege asqan edi. Jobanyń maqsaty – Táýelsizdiktiń 30 jyldyǵynda QR Tuńǵysh Prezidenti N. Nazarbaevtyń ulttyq egemendik pen táýelsizdikti nyǵaitýdaǵy, birlik pen kelisim saiasaty qundylyqtarynyń negizgi ideialaryn qoǵamdyq sanaǵa engizý men tabysty qalyptasqan memleket qurýdaǵy mańyzdy rólin kórsetý», - dedi M. Bekbaeva Táýelsizdiktiń 30 jyldyǵy men Alǵys aitý kúniniń 5 jyldyǵyna arnalǵan dóńgelek ústelde.
Biyl «Tuńǵysh Prezident jolymen: Beibitshilik pen kelisimniń 30 jyly» QHA jobasy elimizdiń barlyq óńiri boiynsha televiziialyq formatta ótedi. Tanymdyq janrda Táýelsizdik jyldary turǵyzylǵan mańyzdy nysandar men ǵimarattar kórsetiledi.
«Árbir óńirdegi Qazaqstan halqy qalai turyp jatyr, ultaralyq kelisim qalai qoldaý tapty, elimizdegi túrli etnostardyń óz ereksheligin saqtai otyryp, qazaq halqynyń ajyramas bóligine qalai ainaldy, osy suraqtardyń bárine «Tuńǵysh Prezident jolymen: Beibitshilik pen kelisimniń 30 jyly» teleekspeditsiiasy jaýap beredi. Jobamyzǵa etnomádeni birlestikterdiń aktivi, ásirese óńirlerdegi ǵalymdar men ziialy qaýym, jastar keńinen qatysady. Ár aimaqtyń mysalynda beibitshilik pen kelisim saiasatynyń negizgi mejeleri men kezeńderin qarastyramyz. Táýelsizdiktiń 30 jylynda turǵyzylǵan nysandar men ǵimarattardy, Dostyq úilerin, Beibitshilik pen kelisim ortalyqtaryn kórsetemiz. Bul naǵyz beibitshiliktiń, kelisim men dostyqtyń teleekspeditsiiasy bolmaq», - deidi Maia Bekbaeva.
Joba 5 seriiadan turady jáne Qazaqstannyń soltústik, batys, shyǵys, ońtústik jáne ortalyq bóligin qamtidy.
«Joba zamanaýi trevel tanymdyq shoý formatynda qurylady. Biz adamdarmen júzdesemiz, túrli nysandarǵa baramyz, ár óńirdiń tarihyna júginemiz. Teleekspeditsiia qorytyndysy QR Tuńǵysh Prezident kúni qarsańynda kórsetiledi. Bizdiń jobamyzdyń jetkizgisi keletin taǵy bir ideiasy – bárimizge Elbasymen birge jańa Táýelsiz Qazaqstandy qurý mártebesi berilip otyr», - dedi Maia Bekbaeva.
Aita keteiik, 2016 jyldyń 14 qańtarynda Elbasy Nursultan Nazarbaev Jarlyqqa qol qoiyp, 1 naýryz - Alǵys aitý kúni dep jariialandy. Dál osy 1 naýryz kúni elimizde Qazaqstan halqy Assambleiasy qurylǵan bolatyn.
.jpeg)