EXPO kezinde Astanaǵa sottalyp shyqqandarmen qatar, zańǵa baǵynyp júrgen azamattar kire almaityn boldy. Bul týraly QR ishki ister vitse-ministri Rashid Jaqypov aitty, - dep habarlaidy "Ult aqparat" kaz.tengrinews.kz portalyna silteme jasap.
"Sizder halyqaralyq tájiribede iri kólemdi ári halyqaralyq is-sharalardy ótkizý barysynda onda adamdardyń kirýine qosymsha shekteý qoiylatynyn bilesizder. Bul Olimpiada oiyndaryna da qatysty. Álemdik tájiribede buryn sotty bolǵandardyń ǵana quqyǵy shektelmeidi. Sondyqtan Olimpiada oiyndarynda, EXPO kórmesi kezinde, Almatyda ótetin Ýniversiada oiyndaryna qatysty sharalarda adamdardy qaýipsizdikpen qamtamasyz etý úshin zańǵa baǵynyp júrgen adamdardyń da kirýine shekteý qoiylady", - dedi vitse-ministr.
"Menińshe, jalpy bul adam quqyǵyn buzbaidy. Astana qalasyndaǵylardyń asa aýyr qylmys jasap, sotty bolǵandardy qalaǵa kirýine tyiym salýy jaqsy usynys. Adamdardyń konstitýtsiialyq quqyǵyna qaishy bolmaityndai etip, bul sharany jaqsylap oilastyryp alý kerek", - dedi Rashid Jaqypov.
Eske sala keteiik, osyǵan deiin Astanada sottalyp shyqqandardy elordaǵa kirgizbeý usynylǵan bolatyn. "Bizdiń oiymyzsha, Bas prokýratýradaǵylarǵa, IIM ókilderine jáne densaýlyq saqtaý jáne áleýmettik damý ministrligindegilerge 1 qańtar men 2017 jyldyń 1 qazanyna deiingi aralyqta Astana qalasyna túrmeden kelgen sottalǵandardy kirgizbeý máselesin qarastyrý qajet", - degen edi Astana qalasy ákiminiń orynbasary Andrei Lýkin.
.jpeg)