Almatyda 12 jastaǵy Abylaihannyń ólimine qatysty jańa málimetter jariia boldy. Jýrnalist Rýslan Ótepbaiǵa bergen suhbatynda marqumnyń ájesi qaiǵyly oqiǵa týraly aityp, kóz jasyna erik berdi, dep habarlaidy ult.kz.
Onyń sózinshe, kúdiktini belgili bir deńgeide túsinýge tyrysqanymen, nemeresine jasalǵan qatygezdikti aqtaý múmkin emes.
– «Qylmyskerdi 15 paiyz ǵana túsinemin. Biraq nemeremdi janýardy óltirgendei pyshaqtap tastaǵan», – deidi ol.
Jýrnalist búgin oqiǵaǵa qatysty baǵdarlamanyń tolyq nusqasy jariialanatynyn habarlady. Onda «12 jastaǵy balany kim jáne ne úshin óltirdi?», «Kúdiktiler ne deidi?», «Balalar psihikasyna qandai oiyndar qaýip tóndiredi?» degen saýaldarǵa jaýap izdeledi.
Eske salaiyq, qaiǵyly oqiǵa 10 maýsym kúni Almatyda bolǵan. Aldyn ala málimet boiynsha, 6-synyp oqýshysyna birneshe ret, naqtyraq aitqanda toǵyz ret pyshaq jaraqaty salynǵan. Bala alǵan jaraqattarynan oqiǵa ornynda kóz jumdy.
Politsiia kúdikti retinde 13 jastaǵy jasóspirimdi ustady. Tergeý málimetinshe, ol marqummen burynnan tanys bolǵan. Aldyn ala boljam boiynsha, qaiǵyly jaǵdai balalar arasyndaǵy janjaldyń ýshyǵýynan bolǵan.
Qazirgi ýaqytta qylmystyq is boiynsha tergeý jalǵasyp jatyr. Sonymen qatar kúdiktiniń ata-anasynyń jaýapkershiligi máselesi de qarastyrylýda.
