Qazaqstanda keń aýqymdy «Kiik» tabiǵatty qorǵaý aktsiiasy bastaldy. Ol 31 jeltoqsanǵa deiin jalǵasady, dep habarlaidy "Ult aqparat" QR Ekologiia, geologiia jáne tabiǵi resýrstar ministrligine silteme jasap.
«Kiik» aktsiiasy Aqmola, Aqtóbe, Atyraý, Jambyl, Batys Qazaqstan, Shyǵys Qazaqstan, Qaraǵandy, Qostanai, Qyzylorda, Mańǵystaý, Pavlodar jáne Soltústik Qazaqstan oblystarynyń aýmaǵynda ótkiziledi.
«Kiik» aktsiiasyna «Ohotzooprom ÓB» RMQK-nyń Janýarlar dúniesin qorǵaý qyzmetinen 224 inspektor, 68 jol talǵamaityn avtomashina, 37 KÝNG, 23 qarda júretin kólik, 2 «Berloga» vagonshasy (OÓF, BÓF) jumyldyrylady. «Ohotzooprom ÓB» RMQK bas direktorynyń tapsyrmasyna sáikes, Erekshe qorǵalatyn tabiǵi aýmaqtar men janýarlar dúiesin esepteý jáne monitoring bólimderinen inspektorlar jumyldyrylady», delingen habarlamada.
Budan basqa árbir óńirlik filialda oblystyq aýmaqtyq inspektsiialar men IIM ókilderi qatarynan (1-31 jeltoqsan aralyǵy) birlesken mobildi toptar jumys isteidi. Sondai-aq pandemiia kezeńinde ákimdiktiń kelisimimen belgilengen karantin blok beketterde «Kiik» keń aýqymdy aktsiiasy boiynsha birlesken is-shara júrgizilmek.
Eske sala ketsek, 2019 jyly kiikterdi zańsyz atqan brakonerlerge qatysty 47 fakti anyqtalyp, 641 usha men 284 kiik múiizi tárkilendi. 203 ákimshilik hattama toltyrylyp, qylmystyq jazaǵa 43 zań buzýshy tartyldy. Tabiǵatqa 3,3 mlrd teńge shyǵyn kelgen.
Aita keteiik, 2019 jyly Memleket basshysynyń tapsyrmasymen Qazaqstanda brakonerlikke jaza edáýir kúsheitilgen.
