12 qazan kúni Nur-Sultanda Reseidiń Qazaqstandaǵy Mádeniet kúnderi bastalady, dep habarlaidy QazAqparat.
Atap aitqanda, 12 qazan kúni saǵat 19:00-de «Qazaqstan» Ortalyq kontsert zalynyń sahnasynda jetekshi reseilik oryndaýshylar men Qazaq memlekettik simfoniialyq orkestriniń qatysýymen gala-kontsert ótedi. Kontsertke halyqaralyq baiqaýlardyń laýreattary Anna Aglatova (soprano), Vladislav Kýpriianov (bariton), Vladimir Magomadov (kontratenor), Konstantin Emelianov (fortepiano), Aleksandr Ramm (violonchel), Gaik Kazazian (skripka) Anastasiia Tiýrina (balalaika) qatysady. Sonymen qatar qazaq ánshileri óner kórsetedi. Dirijer pýltinde – Osetiia Respýblikasy – Alaniianyń eńbek sińirgen ártisi Zaýrbek Gýgkaev.
12-19 qazan aralyǵynda Qazaqstan Respýblikasynyń Ulttyq murajaiynda Vologda memlekettik tarihi-sáýlet jáne óner murajai-qoryǵynyń jinaqtary usynylatyn «Vologda shilteri» jyljymaly kórmesi ótpek. Kórmeniń resmi ashylýy – 12 qazan, saǵat 16:00-de (QR Ulttyq murajaiy).
Reseidiń Qazaqstandaǵy Mádeniet kúnderi Resei Federatsiiasynyń Mádeniet ministrligi jáne Qazaqstan Respýblikasynyń Mádeniet jáne sport ministrliginiń qoldaýymen ótedi. Sharany uiymdastyrýshy – «Roskontsert» Federaldy mádeniet mekemesi.
Mádeniet kúnderi Resei men Qazaqstannyń mádeniet salasyndaǵy dástúrli dostyq yntymaqtastyǵyn nyǵaitý men damytýǵa baǵyttalǵan, sonymen qatar shynaiy qundylyqtar men mádeni muralardy odan ári saqtaýǵa yqpaldasýǵa shaqyrady.
