12 قازان كٷنٸ نۇر-سۇلتاندا رەسەيدٸڭ قازاقستانداعى مەدەنيەت كٷندەرٸ باستالادى, دەپ حابارلايدى قازاقپارات.
اتاپ ايتقاندا, 12 قازان كٷنٸ ساعات 19:00-دە «Qazaqstan» ورتالىق كونتسەرت زالىنىڭ ساحناسىندا جەتەكشٸ رەسەيلٸك ورىنداۋشىلار مەن قازاق مەملەكەتتٸك سيمفونييالىق وركەسترٸنٸڭ قاتىسۋىمەن گالا-كونتسەرت ٶتەدٸ. كونتسەرتكە حالىقارالىق بايقاۋلاردىڭ لاۋرەاتتارى اننا اگلاتوۆا (سوپرانو), ۆلاديسلاۆ كۋپرييانوۆ (باريتون), ۆلاديمير ماگومادوۆ (كونتراتەنور), كونستانتين ەمەليانوۆ (فورتەپيانو), الەكساندر رامم (ۆيولونچەل), گايك كازازيان (سكريپكا) اناستاسييا تيۋرينا (بالالايكا) قاتىسادى. سونىمەن قاتار قازاق ەنشٸلەرٸ ٶنەر كٶرسەتەدٸ. ديريجەر پۋلتٸندە – وسەتييا رەسپۋبليكاسى – الانييانىڭ ەڭبەك سٸڭٸرگەن ەرتٸسٸ زاۋربەك گۋگكاەۆ.
12-19 قازان ارالىعىندا قازاقستان رەسپۋبليكاسىنىڭ ۇلتتىق مۇراجايىندا ۆولوگدا مەملەكەتتٸك تاريحي-سەۋلەت جەنە ٶنەر مۇراجاي-قورىعىنىڭ جيناقتارى ۇسىنىلاتىن «ۆولوگدا شٸلتەرٸ» جىلجىمالى كٶرمەسٸ ٶتپەك. كٶرمەنٸڭ رەسمي اشىلۋى – 12 قازان, ساعات 16:00-دە (قر ۇلتتىق مۇراجايى).
رەسەيدٸڭ قازاقستانداعى مەدەنيەت كٷندەرٸ رەسەي فەدەراتسيياسىنىڭ مەدەنيەت مينيسترلٸگٸ جەنە قازاقستان رەسپۋبليكاسىنىڭ مەدەنيەت جەنە سپورت مينيسترلٸگٸنٸڭ قولداۋىمەن ٶتەدٸ. شارانى ۇيىمداستىرۋشى – «روسكونتسەرت» فەدەرالدى مەدەنيەت مەكەمەسٸ.
مەدەنيەت كٷندەرٸ رەسەي مەن قازاقستاننىڭ مەدەنيەت سالاسىنداعى دەستٷرلٸ دوستىق ىنتىماقتاستىعىن نىعايتۋ مەن دامىتۋعا باعىتتالعان, سونىمەن قاتار شىنايى قۇندىلىقتار مەن مەدەني مۇرالاردى ودان ەرٸ ساقتاۋعا ىقپالداسۋعا شاقىرادى.
