Bilim jáne ǵylym ministri Ashat Aimaǵambetov mektep dárethanalaryn zaman talabyna sai etý máselesine qyryn qarap otyrǵan óńirlerdi atady, dep habarlaidy "Ult aqparat".
«Bir jyl buryn 2 700 mekteptiń dárethanasy dalada ornalasqan bolsa, búgin 2600-ge jýyq dárethana salynyp, bul kórsetkish 98,9%-ǵa jetti. Desek te, Túrkistan, Almaty, Bayts Qazaqstan jáne Shyǵys Qazaqstan oblystarynyń 110 mektebinde aýladaǵy dárethanalar jumys istep tur. Bul máseleni 1 qyrkúiekke deiin tolyq sheshý kerek», - dedi ol Úkimet otyrysynda.
Ministrdiń aitýynsha, respýblikada 21 myń oqýshy tasymaldaýdy qajet etedi.
«Búginde avtoparkimiz 758 avtobýstan turady. 3 jyl ishinde 203 avtobýs satyp alyndy. Bul jaqsy kórsetkish bolǵanymen, áli de 506 avtokólikti jańartý kerek. Sondyqtan ákimdikterden osy máselege qarajat qarastyrýdy suraimyn», - degen vedomstvo basshysy orta bilim berý uiymdarynyń as bloktarynda beinebaqylaý ornatylǵan mektepter sany 4 ese ósip, biyl olardyń sany 2 400-den asqanyn atap ótti.
«Búginde 248 mektep qolma-qol aqshasyz esep aiyrysý formatyna kóshti. Bul jumysty jalǵastyryp, 2025 jyly 100 paiyzǵa jetkizemiz. Ystyq tamaqty uiymdastyrý konkýrstaryn túgeldei elektrondy formatqa aýystyramyz», - dedi ministr.
