بٸلٸم جەنە عىلىم مينيسترٸ اسحات ايماعامبەتوۆ مەكتەپ دەرەتحانالارىن زامان تالابىنا ساي ەتۋ مەسەلەسٸنە قىرىن قاراپ وتىرعان ٶڭٸرلەردٸ اتادى, دەپ حابارلايدى "ۇلت اقپارات".
«بٸر جىل بۇرىن 2 700 مەكتەپتٸڭ دەرەتحاناسى دالادا ورنالاسقان بولسا, بٷگٸن 2600-گە جۋىق دەرەتحانا سالىنىپ, بۇل كٶرسەتكٸش 98,9%-عا جەتتٸ. دەسەك تە, تٷركٸستان, الماتى, باىتس قازاقستان جەنە شىعىس قازاقستان وبلىستارىنىڭ 110 مەكتەبٸندە اۋلاداعى دەرەتحانالار جۇمىس ٸستەپ تۇر. بۇل مەسەلەنٸ 1 قىركٷيەككە دەيٸن تولىق شەشۋ كەرەك», - دەدٸ ول ٷكٸمەت وتىرىسىندا.
مينيستردٸڭ ايتۋىنشا, رەسپۋبليكادا 21 مىڭ وقۋشى تاسىمالداۋدى قاجەت ەتەدٸ.
«بٷگٸندە اۆتوپاركٸمٸز 758 اۆتوبۋستان تۇرادى. 3 جىل ٸشٸندە 203 اۆتوبۋس ساتىپ الىندى. بۇل جاقسى كٶرسەتكٸش بولعانىمەن, ەلٸ دە 506 اۆتوكٶلٸكتٸ جاڭارتۋ كەرەك. سوندىقتان ەكٸمدٸكتەردەن وسى مەسەلەگە قاراجات قاراستىرۋدى سۇرايمىن», - دەگەن ۆەدومستۆو باسشىسى ورتا بٸلٸم بەرۋ ۇيىمدارىنىڭ اس بلوكتارىندا بەينەباقىلاۋ ورناتىلعان مەكتەپتەر سانى 4 ەسە ٶسٸپ, بيىل ولاردىڭ سانى 2 400-دەن اسقانىن اتاپ ٶتتٸ.
«بٷگٸندە 248 مەكتەپ قولما-قول اقشاسىز ەسەپ ايىرىسۋ فورماتىنا كٶشتٸ. بۇل جۇمىستى جالعاستىرىپ, 2025 جىلى 100 پايىزعا جەتكٸزەمٸز. ىستىق تاماقتى ۇيىمداستىرۋ كونكۋرستارىن تٷگەلدەي ەلەكتروندى فورماتقا اۋىستىرامىز», - دەدٸ مينيستر.
