Qazaq tiline aýdarylǵan 23 oqýlyq jyl sońyna deiin elimizdiń joǵary oqý oryndaryna taratylady. Bul týraly «Qazaq tilindegi 100 jańa oqýlyq: pragmatizm men sananyń ashyqtyǵyna aparar jol» taqyrybynda ótken onlain konferentsiiada aityldy, dep habarlaidy QazAqparat.
«Rýhani jańǵyrý» baǵdarlamasynyń mańyzdy baǵyttarynyń biri - «Jańa gýmanitarlyq bilim: qazaq tilindegi 100 jańa oqýlyq» jobasy. Jobanyń ataýynda aitylyp turǵandai, bul gýmanitarlyq baǵyttaǵy oqýlyqtardy qamtityn joba. Basty maqsat - sanany jańǵyrtý bolǵandyqtan, soǵan tikelei áseri bar filosofiia, áleýmettaný, mádeniettaný, filologiia siiaqty gýmanitarlyq baǵyttar, sondai-aq gýmanitarlyq ǵylymǵa tikelei qatysy bar ekonomika, kásipkerlik salasy qamtyldy», - deidi « Ulttyq aýdarma biýrosy» qoǵamdyq qorynyń atqarýshy direktory Raýan Kenjehanuly.
Onyń aitýynsha, joba qolǵa alynǵan 2017 jyly alǵashqy 17 oqýlyq aýdarylyp, onyń tanystyrylymyna Elbasy Nursultan Nazarbaev qatysqan.
«Bul oqýlyqtardyń elektrondy nusqalary bar. Ótken jyly taǵy 30 oqýlyqty aýdardyq. Jyl saiyn aýdarylatye oqýlyq sany 30-dan aspasa - sapasy da jaqsy bolady degen sheshimge keldik. Biyl jyl sońyna deiin taǵy 23 oqýlyq aýdarylyp bolady dep josparlanýda. Basylyp shyqqan soń elimizdegi joǵary oqý oryndaryna taratylady», - deidi ol.
.jpeg)