قازاق تٸلٸنە اۋدارىلعان 23 وقۋلىق جىل سوڭىنا دەيٸن ەلٸمٸزدٸڭ جوعارى وقۋ ورىندارىنا تاراتىلادى. بۇل تۋرالى «قازاق تٸلٸندەگٸ 100 جاڭا وقۋلىق: پراگماتيزم مەن سانانىڭ اشىقتىعىنا اپارار جول» تاقىرىبىندا ٶتكەن ونلاين كونفەرەنتسييادا ايتىلدى, دەپ حابارلايدى قازاقپارات.
«رۋحاني جاڭعىرۋ» باعدارلاماسىنىڭ ماڭىزدى باعىتتارىنىڭ بٸرٸ - «جاڭا گۋمانيتارلىق بٸلٸم: قازاق تٸلٸندەگٸ 100 جاڭا وقۋلىق» جوباسى. جوبانىڭ اتاۋىندا ايتىلىپ تۇرعانداي, بۇل گۋمانيتارلىق باعىتتاعى وقۋلىقتاردى قامتيتىن جوبا. باستى ماقسات - سانانى جاڭعىرتۋ بولعاندىقتان, سوعان تٸكەلەي ەسەرٸ بار فيلوسوفييا, ەلەۋمەتتانۋ, مەدەنيەتتانۋ, فيلولوگييا سيياقتى گۋمانيتارلىق باعىتتار, سونداي-اق گۋمانيتارلىق عىلىمعا تٸكەلەي قاتىسى بار ەكونوميكا, كەسٸپكەرلٸك سالاسى قامتىلدى», - دەيدٸ « ۇلتتىق اۋدارما بيۋروسى» قوعامدىق قورىنىڭ اتقارۋشى ديرەكتورى راۋان كەنجەحانۇلى.
ونىڭ ايتۋىنشا, جوبا قولعا الىنعان 2017 جىلى العاشقى 17 وقۋلىق اۋدارىلىپ, ونىڭ تانىستىرىلىمىنا ەلباسى نۇرسۇلتان نازارباەۆ قاتىسقان.
«بۇل وقۋلىقتاردىڭ ەلەكتروندى نۇسقالارى بار. ٶتكەن جىلى تاعى 30 وقۋلىقتى اۋداردىق. جىل سايىن اۋدارىلاتىە وقۋلىق سانى 30-دان اسپاسا - ساپاسى دا جاقسى بولادى دەگەن شەشٸمگە كەلدٸك. بيىل جىل سوڭىنا دەيٸن تاعى 23 وقۋلىق اۋدارىلىپ بولادى دەپ جوسپارلانۋدا. باسىلىپ شىققان سوڭ ەلٸمٸزدەگٸ جوعارى وقۋ ورىندارىنا تاراتىلادى», - دەيدٸ ول.
.jpeg)