Búgin QR Aqparat jáne qoǵamdyq damý ministrligi «Rýhani jańǵyrý» departamentiniń direktory Nurlan Kúntýovtyń qatysýymen «Jańa gýmanitarlyq bilim. Qazaq tilindegi 100 jańa oqýlyq» – pragmatizm men sananyń ashyqtyǵyna aparar jol» atty onlain baspasóz týry ótti. 100 jańa oqýlyq búginde suranysqa ie bolyp, oqyrman tarapynan úlken qoldaý tapqan joba, - dep habarlaidy «Ult aqparat».
Atalǵan onlain sharaǵa, «Ulttyq aýdarma biýrosy» QQ atqarýshy direktory Raýan Kenjehanuly, «Mazmundama» qoǵamdyq qorynyń jetekshisi Shyńǵys Muqan, L. Gýmilev atyndaǵy EUÝ prorektory Dihan Qamzabekuly, Filologiia ǵylymdarynyń doktory, professor, QR UǴA korrespondent-múshesi Sherýbai Qurmanbaiuly qatysty.
«Búginde jobanyń sońǵy kezeńi júrip jatyr. Osy oraida álemdik deńgeidegi 23 oqýlyq qazaq tiline aýdarylýda. Aita keteiik, buǵan deiin bizge nelikten tek batystyń kitaptaryna basymdylyq beriledi degen siiaqty syn aityldy. Sondyqtan sońǵy oqýlyqtardyń kópshiligi Shyǵys kitaptary bolmaq. Al jalpy joba osy jyldyń jeltoqsan aiynda aiaqtalýy tiis. Álbette, kitaptarǵa degen suranys óte joǵary. Barlyq stýdentterge jetpeitini belgili. Soǵan bailanysty, barsha qaýymǵa qoljetimdi bolýy úshin oqýlyqtardyń elektrondy nusqalary OpenU.kz Qazaqstannyń ashyq ýniversiteti platformasy men Kitap.kz portaldaryna ornalastyryldy», - dedi «Ulttyq aýdarma biýrosy» QQ atqarýshy direktory Raýan Kenjehanuly.
Onlain sharaǵa qatysqan Filologiia ǵylymdarynyń doktory, professor, QR UǴA korrespondent-múshesi Sherýbai Qurmanbaiuly «100 jańa oqýlyq» jobasyna qatysty óz oi-pikirimen bólisti. Onyń aitýynsha, álem tilderinen qazaq tiline aidarylyp jatqan kitaptar tek oqý oryndarynda ǵana eems, oqyrman úshin qoljetimdi bolýy kerek.
«Jańa gýmanitarlyq bilim. Qazaq tilindegi 100 jańa oqýlyq» jobasy til mamany retinde, filolog retinde meni óte qýantady. Qazirgi tańda qazaq tiline aýdarylyp jatqan álemdik kitaptar oqý orynldaryna tabystalyp jatyr ǵoi. Endi meniń oiymsha, bul kitaptar kez kelgen kitaphanalar men kitap dúkenderinen tabylýy kerek. Óitkeni qandai da bir salalyq qana emes, óz oqyrmandaryn tapqan qundy kitaptar. Ózim birnesheýiniń aýdarylýyna qatystym, ońai jumys júrip jatqan joq. Bári tek qazaqtildi oqyrmandar úshin eren eńbek jasalyp jatyr», - dedi Filologiia ǵylymdarynyń doktory, professor, QR UǴA korrespondent-múshesi Sherýbai Qurmanbaiuly.
Aita keteiik, «Bolashaqqa baǵdar: rýhani jańǵyrý» baǵdarlamasynyń «Jańa gýmanitarlyq bilim. Qazaq tilindegi 100 jańa oqýlyq» jobasy aiasynda úsh jyldyń ishinde álemniń ár tilderinen úzdik 77 oqýlyq qazaq tiline aýdarylyp, elimizdegi 132 ýniversitetke jetkizildi. Jańa oqýlyqtar 2018-2019 oqý jylynan bastap joǵary bilim berý júiesine engizildi. Qazir jobanyń tórtinshi kezeńine tańdalǵan 23 oqýlyqty aýdarý protsesi júrgizilýde.
Esterińizge sala keteiik, QR Aqparat jáne qoǵamdyq damý ministrligi «Rýhani jańǵyrý» departamentiniń direktory Nurlan Kúntýovtyń qatysýymen «Jańa gýmanitarlyq bilim. Qazaq tilindegi 100 jańa oqýlyq» – pragmatizm men sananyń ashyqtyǵyna aparar jol» atty onlain baspasóz týry ótti. 100 jańa oqýlyq búginde suranysqa ie bolyp, oqyrman tarapynan úlken qoldaý tapqan joba.
