بٷگٸن قر اقپارات جەنە قوعامدىق دامۋ مينيسترلٸگٸ «رۋحاني جاڭعىرۋ» دەپارتامەنتٸنٸڭ ديرەكتورى نۇرلان كٷنتۋوۆتىڭ قاتىسۋىمەن «جاڭا گۋمانيتارلىق بٸلٸم. قازاق تٸلٸندەگٸ 100 جاڭا وقۋلىق» – پراگماتيزم مەن سانانىڭ اشىقتىعىنا اپارار جول» اتتى ونلاين باسپاسٶز تۋرى ٶتتٸ. 100 جاڭا وقۋلىق بٷگٸندە سۇرانىسقا يە بولىپ, وقىرمان تاراپىنان ٷلكەن قولداۋ تاپقان جوبا, - دەپ حابارلايدى «ۇلت اقپارات».
اتالعان ونلاين شاراعا, «ۇلتتىق اۋدارما بيۋروسى» قق اتقارۋشى ديرەكتورى راۋان كەنجەحانۇلى, «مازمۇنداما» قوعامدىق قورىنىڭ جەتەكشٸسٸ شىڭعىس مۇقان, ل. گۋميلەۆ اتىنداعى ەۇۋ پرورەكتورى ديحان قامزابەكۇلى, فيلولوگييا عىلىمدارىنىڭ دوكتورى, پروفەسسور, قر ۇعا كوررەسپوندەنت-مٷشەسٸ شەرۋباي قۇرمانبايۇلى قاتىستى.
«بٷگٸندە جوبانىڭ سوڭعى كەزەڭٸ جٷرٸپ جاتىر. وسى ورايدا ەلەمدٸك دەڭگەيدەگٸ 23 وقۋلىق قازاق تٸلٸنە اۋدارىلۋدا. ايتا كەتەيٸك, بۇعان دەيٸن بٸزگە نەلٸكتەن تەك باتىستىڭ كٸتاپتارىنا باسىمدىلىق بەرٸلەدٸ دەگەن سيياقتى سىن ايتىلدى. سوندىقتان سوڭعى وقۋلىقتاردىڭ كٶپشٸلٸگٸ شىعىس كٸتاپتارى بولماق. ال جالپى جوبا وسى جىلدىڭ جەلتوقسان ايىندا اياقتالۋى تيٸس. ەلبەتتە, كٸتاپتارعا دەگەن سۇرانىس ٶتە جوعارى. بارلىق ستۋدەنتتەرگە جەتپەيتٸنٸ بەلگٸلٸ. سوعان بايلانىستى, بارشا قاۋىمعا قولجەتٸمدٸ بولۋى ٷشٸن وقۋلىقتاردىڭ ەلەكتروندى نۇسقالارى OpenU.kz قازاقستاننىڭ اشىق ۋنيۆەرسيتەتٸ پلاتفورماسى مەن Kitap.kz پورتالدارىنا ورنالاستىرىلدى», - دەدٸ «ۇلتتىق اۋدارما بيۋروسى» قق اتقارۋشى ديرەكتورى راۋان كەنجەحانۇلى.
ونلاين شاراعا قاتىسقان فيلولوگييا عىلىمدارىنىڭ دوكتورى, پروفەسسور, قر ۇعا كوررەسپوندەنت-مٷشەسٸ شەرۋباي قۇرمانبايۇلى «100 جاڭا وقۋلىق» جوباسىنا قاتىستى ٶز وي-پٸكٸرٸمەن بٶلٸستٸ. ونىڭ ايتۋىنشا, ەلەم تٸلدەرٸنەن قازاق تٸلٸنە ايدارىلىپ جاتقان كٸتاپتار تەك وقۋ ورىندارىندا عانا ەەمس, وقىرمان ٷشٸن قولجەتٸمدٸ بولۋى كەرەك.
«جاڭا گۋمانيتارلىق بٸلٸم. قازاق تٸلٸندەگٸ 100 جاڭا وقۋلىق» جوباسى تٸل مامانى رەتٸندە, فيلولوگ رەتٸندە مەنٸ ٶتە قۋانتادى. قازٸرگٸ تاڭدا قازاق تٸلٸنە اۋدارىلىپ جاتقان ەلەمدٸك كٸتاپتار وقۋ ورىنلدارىنا تابىستالىپ جاتىر عوي. ەندٸ مەنٸڭ ويىمشا, بۇل كٸتاپتار كەز كەلگەن كٸتاپحانالار مەن كٸتاپ دٷكەندەرٸنەن تابىلۋى كەرەك. ٶيتكەنٸ قانداي دا بٸر سالالىق قانا ەمەس, ٶز وقىرماندارىن تاپقان قۇندى كٸتاپتار. ٶزٸم بٸرنەشەۋٸنٸڭ اۋدارىلۋىنا قاتىستىم, وڭاي جۇمىس جٷرٸپ جاتقان جوق. بەرٸ تەك قازاقتٸلدٸ وقىرماندار ٷشٸن ەرەن ەڭبەك جاسالىپ جاتىر», - دەدٸ فيلولوگييا عىلىمدارىنىڭ دوكتورى, پروفەسسور, قر ۇعا كوررەسپوندەنت-مٷشەسٸ شەرۋباي قۇرمانبايۇلى.
ايتا كەتەيٸك, «بولاشاققا باعدار: رۋحاني جاڭعىرۋ» باعدارلاماسىنىڭ «جاڭا گۋمانيتارلىق بٸلٸم. قازاق تٸلٸندەگٸ 100 جاڭا وقۋلىق» جوباسى اياسىندا ٷش جىلدىڭ ٸشٸندە ەلەمنٸڭ ەر تٸلدەرٸنەن ٷزدٸك 77 وقۋلىق قازاق تٸلٸنە اۋدارىلىپ, ەلٸمٸزدەگٸ 132 ۋنيۆەرسيتەتكە جەتكٸزٸلدٸ. جاڭا وقۋلىقتار 2018-2019 وقۋ جىلىنان باستاپ جوعارى بٸلٸم بەرۋ جٷيەسٸنە ەنگٸزٸلدٸ. قازٸر جوبانىڭ تٶرتٸنشٸ كەزەڭٸنە تاڭدالعان 23 وقۋلىقتى اۋدارۋ پروتسەسٸ جٷرگٸزٸلۋدە.
ەستەرٸڭٸزگە سالا كەتەيٸك, قر اقپارات جەنە قوعامدىق دامۋ مينيسترلٸگٸ «رۋحاني جاڭعىرۋ» دەپارتامەنتٸنٸڭ ديرەكتورى نۇرلان كٷنتۋوۆتىڭ قاتىسۋىمەن «جاڭا گۋمانيتارلىق بٸلٸم. قازاق تٸلٸندەگٸ 100 جاڭا وقۋلىق» – پراگماتيزم مەن سانانىڭ اشىقتىعىنا اپارار جول» اتتى ونلاين باسپاسٶز تۋرى ٶتتٸ. 100 جاڭا وقۋلىق بٷگٸندە سۇرانىسقا يە بولىپ, وقىرمان تاراپىنان ٷلكەن قولداۋ تاپقان جوبا.
