Jappai tártipsizdikter kezinde otandyq bizneske aitarlyqtai shyǵyn keldi. Búginde bizneske kelgen shyǵyndy joiý joldary qaralyp jatyr. Osy oraida «Atameken» ulttyq kásipkerler palatasy kásipkerler arasynda anonimdi saýalnama júrgizdi.
Bul týraly palatanyń basqarma tóraǵasy Abylai Myrzahmetov málim etti, dep habarlaidy QazAqparat.
«Biz qańtar oqiǵasyna qatysty kásipkerler arasynda 3 ret ke aýqymdy anonimdi saýalnama júrgizdik. Oǵan 100-myńnan astam kásipker qatysty. Kásipkerlerdiń usynys, pikiri men ótinish-tilegi tikelei Prezident pen Úkimetke jetkizildi. Osylaisha kásipkerlermen keri bailanys ornatyp jatyrmyz», - dedi Abylai Myrzahmetov Facebook paraqshasyndaǵy tikelei efir barysynda.
Onyń aitýynsha, saýalnama júrgizý barysynda sanǵa emes sapaǵa mán berildi.
«Problemany anyqtap, ony sheshýde saýalnamanyń mańyzy zor. Biraq, sapa mańyzdy. Sondyqtan biz saýalnama árbir qazaqstandyq kásipkerdiń únin estigimiz keledi. Bizge kelgen jaýapta biraz dúnie qozǵalǵan. Onyń ishinde quzyrly organdar men ákimdikterdiń jumysyna qatysty. Jekelegen kompaniialardyń qyzmeti týraly aitylǵan. Odan bólek, memlekettik sýbsidiia men grantqa ie bolýdyń qiyndyǵy týraly sóz qozǵalǵan. Saýalnamanyń nátijesi «Atameken» UKP-nyń saitynda jáne meniń áleýmettik jelidegi paraqshamda jariia etiledi. Tanysyp kóre alasyzdar», - deidi ol.
Sondai-aq, basqarma tóraǵasy kásipkerler arasynda júrgizilgen saýalnama nátijesiniń memlekettik organdar men ákimdikter úshin de paidaly bolatynyn jetkizdi.
