Qazaqstan teleradiokorporatsiiasy fýtboldan UEFA EURO 2020 matchtaryn kórsetý quqyǵyn ielendi, dep habarlaidy "Ult aqparat".
Esterińizge salsaq, fýtboldan Eýropa birinshiligi ótken jyly ótýi tiis edi. Alaida koronavirýs pandemiiasyna bailanysty bir jylǵa shegerilgen bolatyn. Endi 16-shy Eýropa birinshiligi 2021 jyldyń 11 maýsymy men 11 shilde aralyǵynda ótetindigi belgili bolyp otyr. Qazaqstandyq jankúierler chempionattyń barlyq oiyndaryn Qazaqstan men Qazsport arnalarynan tikelei efirde tamashalai alady.
«Teleradiokorporatsiia fýtbol kommentatorlary úshin sheberlik sabaqtaryn ótkizip, 1 ai boiy tikelei efirde úzdiksiz habar taratýǵa daiyndyq ústinde. Teleefirlerden bólek, Korporatsiia saittarynda onlain kórsetilim júrgiziledi. Ádette mundai kórsetilimder kezinde efirdi onlain kórýshiler sany kúrt artady, osyny eskerip, saittardyń tehnikalyq múmkindikteri de kúsheitilgen jumys tártibine kóshirilýde», - dedi teleradiokorporatsiiasynyń baspasóz qyzmetinen.
60 jyldyq tarihy bar týrnir alǵash ret 11 qalada - Amsterdam (Niderland), Baký (Ázerbaijan), Býharest (Rýmyniia), Býdapesht (Majarstan), Kopengagen (Daniia), Glazgo (Shotlandiia), London (Angliia), Miýnhen (Germaniia), Rim (Italiia), Sankt-Peterbýrg (Resei), Seviliada (Ispaniia) birdei ótpek.
UEFA EURO-2020 týrniriniń finaldyq kezeńine shyqqan 24 qurama 6 topqa bólingen:
A toby: Túrkiia, Italiia, Ýels, Shveitsariia
B toby: Daniia, Finliandiia, Belgiia, Resei
C toby: Niderland, Ýkraina, Avstriia, Soltústik Makedoniia
D toby: Angliia, Horvatiia, Shotlandiia, Chehiia
E toby: Ispaniia, Shvetsiia, Polsha, Slovakiia
F toby: Majarstan, Portýgaliia, Frantsiia, Germaniia
1/8 finalǵa ár toptan eń myqty eki qurama men úshinshi oryn ielengen tórt úzdik komanda shyǵady.
Týrnirdiń ashylý matchy 11 maýsymda Rimdegi «Olimpiiskii» stadionynda, al finaldyq kezdesý 11 shildede Londondaǵy «Ýembli» stadionynda ótedi. Chempionat qarsańynda Qazaqstan jáne Qazspor» telearnalarynan tikelei efirde saraptamalyq baǵdarlama jaryqqa shyǵady. Oǵan sportshylar men sarapshylar, fýtbol jankúierleri qatysa alady.
