2026 jyldyń 1 tamyzynan bastap Qazaqstanda birqatar mańyzdy ózgerister kúshine enedi. Bul jańashyldyqtar turǵyn úi, saiasat, bilim, munai-gaz salasy men jol qozǵalysyna qatysty. Sonymen qatar tamyz aiynda birneshe mańyzdy naýqan bastalady, dep habarlaidy ult.kz.
«Umai» ipotekalyq baǵdarlamasy qaita iske qosylady
1 tamyzdan bastap áielderge arnalǵan «Umai» ipotekalyq baǵdarlamasy qaita jumysyn bastaidy. Baǵdarlama arqyly baspana alýǵa nietti azamatshalar jeńildetilgen sharttarmen nesie rásimdei alady. Baǵdarlama turǵyn úige qoljetimdilikti arttyrýǵa baǵyttalǵan.
Quryltai sailaýy ótedi
Tamyz aiyndaǵy eń mańyzdy saiasi oqiǵalardyń biri – Qazaqstandaǵy alǵashqy Quryltai sailaýy. Daýys berý nátijesinde 145 depýtat sailanady. Bul eldegi jańa saiasi júieniń qalyptasýyndaǵy mańyzdy kezeńderdiń biri sanalady.
Bilim granttarynyń nátijesi jariialanady
Tamyz aiynda talapkerler memlekettik bilim granttarynyń iegerleri anyqtalady. Myńdaǵan túlek úshin kópten kútken sheshim osy aida belgili bolady. Odan keiin joǵary oqý oryndaryna qujat qabyldaý jalǵasady.
Munai óndirý kólemi artady
Energetika salasynda da ózgeris bar. Tamyz aiynan bastap Qazaqstan munai óndirý kólemin ulǵaitýdy josparlap otyr. Bul eksport kólemine jáne memlekettik biýdjet kirisine oń áser etýi múmkin dep kútilýde.
Júrgizýshilerge qatysty jańa talaptar kúshine enedi
25 tamyzdan bastap «Jol júrisi týraly» zańǵa engizilgen ózgerister qoldanysqa engiziledi. Olardyń qatarynda júrgizýshi kýáligine, meditsinalyq tekserýlerge jáne kólik quralyn basqarý quqyǵyna qatysty jańa talaptar bar. Ózgeristerdiń negizgi maqsaty – jol qaýipsizdigin kúsheitý jáne jol-kólik oqiǵalarynyń sanyn azaitý.
Aliment tóleý tártibine ózgerister engiziledi
25 tamyzdan bastap aliment óndirý jáne tóleý rásimderine qatysty jańa normalar kúshine enedi. Ózgerister tólemniń oryndalýyn tiimdi baqylaýǵa jáne balalardyń quqyqtaryn qorǵaýdy kúsheitýge baǵyttalǵan.
Tamyzdaǵy demalys kúnderi
Biyl Konstitýtsiia kúni 30 tamyz senbige sáikes keledi. Osyǵan bailanysty demalys kúni kelesi jumys kúnine aýystyrylyp, bes kúndik jumys aptasymen jumys isteitin qazaqstandyqtar qatarynan úsh kún – 30, 31 tamyz jáne 1 qyrkúiekke deiingi merekelik demalysty paidalanady.
