12 mamyrdan bastap Nur-Sultan qalasy áýejaiynda «Ashyq» ilki jobasy júzege asyryla bastaidy, dep habarlaidy "Ult aqparat".
«Algoritm talaptaryna sáikes, Nur-Sultan qalasy áýejaiynyń ǵimaratyna jiberý jolaýshynyń mártebesin anyqtaý úshin onyń arnaýly QR-kodty skanerlep, kire beriste áýejai qyzmetkerine nátijeni kórsetken kezde ǵana júzege asyrylady. Jolaýshylardyń mártbesi «PTR-zertteýiniń biryńǵai yqpaldastyrylǵan portaly» jáne «QR DSM COVID-19 baqylaý ortalyǵy» aqparattyq júielerimen tekserý negizinde beriledi», - delingen Sanitarlyq-epidemiologiialyq baqylaý komiteti taratqan aqparatta.
Aita keteiik, eger adam koronavirýstyń PTR synaǵynan ótip, oń nátije alsa, «qyzyl» statýs beriledi. Mundai statýs ielerine úide oqshaýlaný rejimin qatań saqtaý qajet. «Sary» belgi infektsiia juqtyrǵan adamdarmen bailanysqa túsken adamdarǵa taǵaiyndalady. Olarǵa azyq-túlik alýǵa nemese úi janyndaǵy dárihanaǵa shyǵýǵa ruqsat bar. Biraq basqa qoǵamdyq oryndarǵa barýǵa tyiym salynǵan. «Kók» tús – PTR test talap etilmeitin jerlerde erkin júredi. «Jasyl» tús – erkin júre alatyn adam. Sondai-aq, 1 shildeden bastap qosymsha arqyly adamnyń vaktsina qabyldaǵan-qabyldamaǵany da kórinedi.
