Pavlodar oblysynda mal urlyǵymen ainalysqan qylmystyq toptyń áreketi toqtatyldy. Bul týraly oblystyq politsiia departamenti habarlady, dep habarlaidy ult.kz.
Kriminaldyq politsiia qyzmetkerleri júrgizgen arnaiy operatsiia barysynda kúdiktiler Mai aýdanynda ustalǵan. Olardyń avtokóligin tintý kezinde qylmysqa qatysy bar zattai dáleldemeler tabylyp, tárkilendi.
Jedel is-sharalardyń nátijesinde mal urlyǵyna qatysy bar degen kúdikpen eki adam anyqtaldy. Aldyn ala esep boiynsha keltirilgen shyǵyn kólemi 1 mln teńgeden asady.
– Atalǵan derek boiynsha qylmystyq is qozǵaldy. Kúdiktilerdiń biri ýaqytsha ustaý izoliatoryna qamaldy, – dedi Pavlodar oblysy politsiia departamenti kriminaldyq politsiia basqarmasy bastyǵynyń mindetin atqarýshy Azat Qusaiynov.
Qazirgi ýaqytta kúdiktilerdiń osyǵan uqsas ózge de qylmystarǵa qatysy bar-joǵy tekserilip jatyr.
Eske salaiyq, buǵan deiin Túrkistan oblysynda jyl basynan beri alty ai ishinde mal urlyǵynyń 48 deregi tirkelgeni habarlanǵan bolatyn.
