پاۆلودار وبلىسىندا مال ۇرلىعىمەن اينالىسقان قىلمىستىق توپتىڭ ەرەكەتٸ توقتاتىلدى. بۇل تۋرالى وبلىستىق پوليتسييا دەپارتامەنتٸ حابارلادى, دەپ حابارلايدى ult.kz.
كريمينالدىق پوليتسييا قىزمەتكەرلەرٸ جٷرگٸزگەن ارنايى وپەراتسييا بارىسىندا كٷدٸكتٸلەر ماي اۋدانىندا ۇستالعان. ولاردىڭ اۆتوكٶلٸگٸن تٸنتۋ كەزٸندە قىلمىسقا قاتىسى بار زاتتاي دەلەلدەمەلەر تابىلىپ, تەركٸلەندٸ.
جەدەل ٸس-شارالاردىڭ نەتيجەسٸندە مال ۇرلىعىنا قاتىسى بار دەگەن كٷدٸكپەن ەكٸ ادام انىقتالدى. الدىن الا ەسەپ بويىنشا كەلتٸرٸلگەن شىعىن كٶلەمٸ 1 ملن تەڭگەدەن اسادى.
– اتالعان دەرەك بويىنشا قىلمىستىق ٸس قوزعالدى. كٷدٸكتٸلەردٸڭ بٸرٸ ۋاقىتشا ۇستاۋ يزولياتورىنا قامالدى, – دەدٸ پاۆلودار وبلىسى پوليتسييا دەپارتامەنتٸ كريمينالدىق پوليتسييا باسقارماسى باستىعىنىڭ مٸندەتٸن اتقارۋشى ازات قۇسايىنوۆ.
قازٸرگٸ ۋاقىتتا كٷدٸكتٸلەردٸڭ وسىعان ۇقساس ٶزگە دە قىلمىستارعا قاتىسى بار-جوعى تەكسەرٸلٸپ جاتىر.
ەسكە سالايىق, بۇعان دەيٸن تٷركٸستان وبلىسىندا جىل باسىنان بەرٸ التى اي ٸشٸندە مال ۇرلىعىنىڭ 48 دەرەگٸ تٸركەلگەنٸ حابارلانعان بولاتىن.
