Búginde elimizde 1 mln-nan astam azamat nesielerdi óteý merzimin buzǵan. Bul týraly QR Qarjy birinshi vitse-ministri Marat Sultanǵaziev málim etti, dep habarlaidy QazAqparat.
«Búgingi kúni azamattardyń edáýir bóliginiń qarjylyq jaǵdaiy nasharlaǵan. Onyń ár túrli sebepteri bar: jumysynan aiyrylý nemese jumysqa jaramsyzdyq, ekonomikalyq quldyraý aiasynda ál-aýqat deńgeiiniń tómendeýi jáne koronavirýs infektsiiasyna qatysty karantindik is-sharalardy engizý. Nesie biýrosynyń aqparatyna sáikes, búginde 1 mln-nan astam azamat nesilerin óteý merzimin buzǵan», - dedi ol Ortalyq komýnikatsiialar qyzmetindegi brifing barysynda.
Onyń atap ótýinshe, kommýnaldyq tólem, salyq boiynsha bereshegi bar azamattardyń da qatary mol. Sonymen qatar borynshker múlkiniń bolmaýyna bailanysty qaitarylǵan 4 mlrd teńge somasyna atqarýshylyq qujattar bar.
