Foto: dom.kz
Qazaqstanda 7%-tik jańa ipotekalyq baǵdarlama bir aidan keiin bastalady. Bul týraly ónerkásip jáne qurylys ministri Qanat Sharlapaev málimdedi, dep habarlaidy «Ult aqparat» Sputnik Qazaqstanǵa silteme jasap.
"Osy baǵdarlamany júzege asyrý úshin qazir "Otbasy bank" 300 milliard teńge tartyp jatyr. Bul baǵdarlamanyń jalpy somasy. Halyqtyń áleýmettik osal toptary úshin stavka 7%-ten aspaidy. 1 mamyr kúni biz baǵdarlamanyń barlyq shartyn jariialaimyz. Baǵdarlama 1 mamyrda bastalady", - dedi Sharlapaev úkimette ótken baspasóz máslihatynda.
Buǵan deiin Atyraýda ótken ulttyq quryltaida memleket basshysy Qasym-Jomart Toqaev aýyl jáne aýdan ortalyǵynyń turǵyndaryna arnalǵan jańa turǵyn úi baǵdarlamasyn qolǵa alýdy tapsyrǵan edi. Bul rette áleýmettik turǵyda osal toptaǵy jandar úshin nesie ósimi 7 paiyzdan aspaýy qajet, dedi prezident.
