Foto: kolesa.kz
Shetelden ákelingen kólikti zańnamaǵa sai tirkemegen júrgizýshiler ákimshilik jaýapkershilikke tartylady. Bul týraly IIM Ákimshilik politsiia komiteti tóraǵasynyń mindetin atqarýshy Qaisar Sultanbaev málimdedi, dep habarlaidy Sputnik Qazaqstan.
Ortalyq kommýnikatsiialar qyzmetinde ótken baspasóz máslihatynda jýrnalister IIM ókilinen 2022 jylǵy 1 qyrkúiekten keiin ákelingen sheteldik avtokólikterdiń taǵdyry ne bolatynyn surady.
"Prezident el aýmaǵyna 2022 jyldyń 1 qyrkúiegine deiin ákelingen avtokólikter zańdastyrýǵa jatatynyn naqty aitty. Olar (1 qyrkúiekten keiin jetkizilgen kólikter – Sputnik) bekitilgen tártippen tirkelmegen. Jalpy jol qozǵalysyna qatysý úshin avtokólikti tiisti tártippen tirkeý qajet. Memlekettik nómir men kólikti tirkegeni týraly kýálik kerek. Eger mundai qujattar bolmasa, júrýge bolmaidy. Ákimshilik kodeks boiynsha jaýapkershilik kózdelgen", - dedi Sultanbaev.
Tirkelmegen kólikti aidaǵany úshin birinshi ret 10 AEK – 30 630 teńge, al eger sol jaǵdai qaitalansa 20 AEK – 61 260 teńge aiyppul salynady nemese bir jylǵa júrgizýshi kýáliginen aiyrylady. Sultanbaev sheteldik kóligin zańdastyrmaǵan azamattar mashinany elden shyǵaryp nemese kólikti bólshektep satýy kerek ekenin aitty.
"Basqa jol kórip turǵan joqpyn", - deidi ol.
1 qyrkúiekke deiin ákelingen kólikterdi zańdastyrý úshin 200 myń teńge mólsherinde biryńǵai alym alynady. Parlament tiisti túzetýlerdi qabyldady.
Sondai-aq zańdastyrylatyn avtokólikterdiń kádege jaratý tólemin alyp tastaý úshin Ekologiialyq kodekske túzetýler engizilip jatyr.
