Bir jyldyń ishinde elimizde 1 600 mektepte jyly dárethana salyndy. Bul týraly halyqqa esep berý kezdesýinde QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Árine, jyly dárethanalarǵa qatysty kóp másele boldy, áli de qalyp otyr. Prezident tapsyrmasy bar ekendigin bilesizder. Osydan 1 jyl buryn ǵan elimizde dalada ornalasqan 1 700 dárethana bolǵan edi. Bir jyldyń ishinde 1 600 jyly dárethana salyndy. Jergilikti atqarýshy organdar úlken jumys júrgizdi», - dedi Ashat Aimaǵambetov.
Degenmen, ol áli de bolsa 100 mekteptiń dárethanasyna qatysty problema qalyp otyrǵandyǵyn aitty.
«Qazir qurylys jumystary júrgizilip jatyr. Biz taiaý ýaqytta, ary ketkende 1 qyrkúiekte tapsyrmany tolyq sheshemiz. Taiaýda ǵana bul máseleni QR Úkimet janynda jumys isteitin Balalar quqyqtaryn qorǵaý jónindegi komissiiada qaradyq», - dedi ministr.
