بٸر جىلدىڭ ٸشٸندە ەلٸمٸزدە 1 600 مەكتەپتە جىلى دەرەتحانا سالىندى. بۇل تۋرالى حالىققا ەسەپ بەرۋ كەزدەسۋٸندە قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى "ۇلت اقپارات".
«ەرينە, جىلى دەرەتحانالارعا قاتىستى كٶپ مەسەلە بولدى, ەلٸ دە قالىپ وتىر. پرەزيدەنت تاپسىرماسى بار ەكەندٸگٸن بٸلەسٸزدەر. وسىدان 1 جىل بۇرىن عان ەلٸمٸزدە دالادا ورنالاسقان 1 700 دەرەتحانا بولعان ەدٸ. بٸر جىلدىڭ ٸشٸندە 1 600 جىلى دەرەتحانا سالىندى. جەرگٸلٸكتٸ اتقارۋشى ورگاندار ٷلكەن جۇمىس جٷرگٸزدٸ», - دەدٸ اسحات ايماعامبەتوۆ.
دەگەنمەن, ول ەلٸ دە بولسا 100 مەكتەپتٸڭ دەرەتحاناسىنا قاتىستى پروبلەما قالىپ وتىرعاندىعىن ايتتى.
«قازٸر قۇرىلىس جۇمىستارى جٷرگٸزٸلٸپ جاتىر. بٸز تاياۋ ۋاقىتتا, ارى كەتكەندە 1 قىركٷيەكتە تاپسىرمانى تولىق شەشەمٸز. تاياۋدا عانا بۇل مەسەلەنٸ قر ٷكٸمەت جانىندا جۇمىس ٸستەيتٸن بالالار قۇقىقتارىن قورعاۋ جٶنٸندەگٸ كوميسسييادا قارادىق», - دەدٸ مينيستر.
