Búgin QR Prezidenti janyndaǵy Ortalyq kommýnikatsiialar qyzmetinde ótken baspasóz máslihatynda densaýlyq saqtaý ministri Eljan Birtanov 2020 jyldyń 1 qańtarynan bastap, mindetti áleýmettik-meditsinalyq saqtandyrýdy tolyq iske qosýǵa daiyn ekenin málimdedi, – dep habarlaidy Baq.kz.
Meditsinalyq saqtandyrýdy engizýge daiyndyq 2015 jyly bastalǵan, qazir jańa júiege ázirlik aiaqtalyp keledi. Ministrlik óńirlerdiń, meditsinalyq uiymdardyń MÁMS júiesine daiyndyǵyna kúndelikti monitoring jasap otyr. MÁMS aiasynda jurt jii paidalanatyn, suranys joǵary meditsinalyq qyzmetter qoljetimdi bolady. 2020 jyly densaýlyq saqtaý júiesin qarjylandyrý 1,5 esege artady, iaǵni biýdjetten 1,6 trln teńge bólinedi. Qarjylandyrý kólemi kóbeigen soń, MÁMS aiasynda aqyly tekserýler, belgili bir aýrýlar tizimi boiynsha nemese jeńildik jasalǵan sanattarǵa ǵana kórsetiletin meditsinalyq qyzmetter qoljetimdi bolady, - deidi Eljan Birtanov.
Ministrdiń aitýynsha, otandyq densaýlyq saqtaý salasy qazirdiń ózinde MÁMS boiynsha jumys isteýge kóshken. Barlyq normativtik baza qalyptasyp, meditsinalyq saqtandyrý qory jumys qarqyndy jumys istep keledi.
Sondai-aq, negizgi meditsinalyq aqparattyq júieler iske qosyldy, meditsinalyq qyzmetterdiń eki paketiniń, jarnalar men aýdarymdardyń stavkalary bekitildi, jeńildik jasalǵan sanattardyń tizimi keńeitildi.
Densaýlyq saqtaý ministri beiresmi jumyspen qamtylǵan halyqty meditsinalyq saqtandyrýǵa qatystyrý máselesi ózekti bolǵanyn aitty.
Qazir bul retteldi. Eńbek ministrligimen birlesken jumystyń nátijesinde 2,1 mln astam adam aktýaldandyryldy. Endi 577 myń (nemese 3%) azamatty ózektendirý kerek, olardyń qatarynda qaitys bolǵandar nemese elden kóship ketkender bar. 1 sáýirge deiin elimizdegi barlyq azamat shartty túrde saqtandyrylady jáne TMKKK men MÁMS paketine kiretin meditsinalyq qyzmetterdi esh kedergisiz ala alady. Osy ýaqyt aralyǵynda árkim óziniń saqtandyrý mártebesin anyqtap jáne MÁMS júiesine qatysyp úlgerýi tiis, - dep airyqsha atap ótti ministr.
Ol júieni engizilgen soń, alǵashqy kezeńde daýly jaǵdailar, meditsina qyzmetkerleri men halyq arasynda túsinispeýshilik bolýy yqtimal ekenin jasyrmady.
Al meditsinalyq uiymdar kez kelgen máseleni patsienttiń paidasyna qarai sheshýi tiis, - dedi vedomstvo basshysy.
Aita keteiik, QR prezidenti Qasym-Jomart Toqaev halyqqa Joldaýynda memleket tegin meditsinalyq kómektiń kepildik berilgen kólemin sol kúide qaldyratynyn málimdegen bolatyn. TMKKK paketine meditsinalyq qyzmetterdiń negizgi túrleri kiredi jáne 1 trln jýyq teńgege halyqqa jappai dárigerlik kómek kórsetiledi.
