2006 jylǵy úlgidegi nominaly 2, 5, 10 myń teńgelik banknottardy qabyldaý jáne aiyrbastaý 1 aqpanda aiaqtalady. Ulttyq banktiń Qolma-qol aqsha ainalysy departamentiniń direktory Jomart Qajymuratov osylai málim etti, dep habarlaidy "Ult aqparat".
Onyń aitýynsha, 2006 jylǵy úlgidegi nominaly 2 000, 5 000, 10 000 teńgelik banknottardy qabyldaý jáne aiyrbastaý merzimi aiaqtalyp qaldy.
Jeke tulǵalar úshin banknottar tek Ulttyq banktiń filialdarynda aiyrbastalady.
«Osy atalǵan banknottar qolda bar bolǵan jaǵdaida, Ulttyq banktiń jaqyn mańdaǵy filialyna baryp, 1 aqpan saǵat 15:00-ge deiin ulttyq valiýtanyń qoldanystaǵy aqsha belgilerine aýystyryp alýdy suraimyz», - deidi Jomart Qajymuratov
2021 jyldyń 2 aqpanynan bastap 2006 jylǵy úlgidegi nominaly 2000, 5000 jáne 10000 teńgelik banknottar Qazaqstan Respýblikasynyń búkil aýmaǵynda qabyldanbaidy jáne aýystyrylmaidy.
