Almatynyń bas memlekettik sanitar dárigeri Jandarbek Bekshinniń jańa qaýlysy jariialandy, dep habarlaidy «Ult aqparat».
Qaýlyda mádeni nysandardyń, onyń ishinde, teatrlar men kinoteatrlardyń qyzmetine tyiym salý, sondai-aq oiyn-saýyq mekemeleriniń, iaǵni jabyq mekemedegi balalar oiyn alańdary men attraktsiondardyń, batýt jáne basqalardyń qyzmetine tyiym salý týraly aitylǵan.
Sondai-aq, kórmeler, forýmdar, konferentsiialar uiymdastyrýǵa bolmaidy. Otbasylyq is-sharalardy (banket, úilený toiy, mereitoi, eske alý sharalary) ótkizýge tyiym salyndy.
Sonymen qatar, óńiraralyq jáne qalalyq emes (týristik) tasymaldaý qyzmetine tyiym salynady. Almatyda demalys kúnderi saýda ortalyqtary jumys istemeidi.
Qaýly 1 aqpanda kúshine enedi.
