Jer komissiiasynda aitylyp jatqan ótkir syn men shynaiy shyndyqty estigende ótken ǵasyrda Qytai elinde ótken «Sairatý naýqany» eske túse beredi.
Mao «Gúl bitken ashylsyn, Qus bitken sairasyn» dep urandatyp, demokratiialyq ashyqtyqqa birshama keńdik bergen ǵoi. Árine, mundai kezde ziialy qaýym, ǵalymdar, jazýshylar únsiz qalsyn ba, japa-tarmaǵai jamyraǵan ǵoi. Eldegi múshkil jaǵdaidy aitady, Batys elderinen artta qalǵan mesheýlikterin áshkereleidi, qysqasy, jańasha damýdyń barlyq jailaryn jiti talqylaidy ǵoi. Bárin tyńdap, tolyq aqparat alyp bolǵan soń Mao úkimeti «Sairaǵannyń bári bulbul emes, ishinde qarǵa-quzǵyn da bar. Ashylǵannyń bári gúl emes, arasynda aram shóp te bar. Solardan elimizdiń baý-baqshasyn tazartaiyq» degen maǵynada taǵy bir úndeý tastap kep jiberedi.
Al, sonymen «mádeniet tóńkerisi» lap qoiady. Demokratiialyq kózqarastaǵy ozyq oily ǵalymdardy jas «qyzyl jasaqshylar» úilerinen, kabinetterinen, kafedralarynan aidap shyǵyp, qoldaryna soqa, tese, kúrek ustatyp aýyr jumysqa salǵan. Ondaǵysy, sairaǵanyńdai endi jumys iste degendi meńzegenderi bolsa kerek.
Osylaisha, eldi oirandap, ziialysyz qaldara jazdaǵan. Jańylmasam, sol tusta keiin uly reformator bolǵan Den-Siao-Pin (Dyń-Shoý-Piń) de abaqtyǵa túsip aýyr jumysqa jegilgen. Jerkomnyń aqyrǵy nátijesi de solai bolyp júrmese boldy ǵoi, neshe jerden HHI ǵasyr dep ózimizdi jubatsaq ta.
Qýandyq Shamahaiulynyń jazbasynan
