جەر كوميسسيياسىندا ايتىلىپ جاتقان ٶتكٸر سىن مەن شىنايى شىندىقتى ەستٸگەندە ٶتكەن عاسىردا قىتاي ەلٸندە ٶتكەن «سايراتۋ ناۋقانى» ەسكە تٷسە بەرەدٸ.
ماو «گٷل بٸتكەن اشىلسىن, قۇس بٸتكەن سايراسىن» دەپ ۇرانداتىپ, دەموكراتييالىق اشىقتىققا بٸرشاما كەڭدٸك بەرگەن عوي. ەرينە, مۇنداي كەزدە زييالى قاۋىم, عالىمدار, جازۋشىلار ٷنسٸز قالسىن با, جاپا-تارماعاي جامىراعان عوي. ەلدەگٸ مٷشكٸل جاعدايدى ايتادى, باتىس ەلدەرٸنەن ارتتا قالعان مەشەۋلٸكتەرٸن ەشكەرەلەيدٸ, قىسقاسى, جاڭاشا دامۋدىڭ بارلىق جايلارىن جٸتٸ تالقىلايدى عوي. بەرٸن تىڭداپ, تولىق اقپارات الىپ بولعان سوڭ ماو ٷكٸمەتٸ «سايراعاننىڭ بەرٸ بۇلبۇل ەمەس, ٸشٸندە قارعا-قۇزعىن دا بار. اشىلعاننىڭ بەرٸ گٷل ەمەس, اراسىندا ارام شٶپ تە بار. سولاردان ەلٸمٸزدٸڭ باۋ-باقشاسىن تازارتايىق» دەگەن ماعىنادا تاعى بٸر ٷندەۋ تاستاپ كەپ جٸبەرەدٸ.
ال, سونىمەن «مەدەنيەت تٶڭكەرٸسٸ» لاپ قويادى. دەموكراتييالىق كٶزقاراستاعى وزىق ويلى عالىمداردى جاس «قىزىل جاساقشىلار» ٷيلەرٸنەن, كابينەتتەرٸنەن, كافەدرالارىنان ايداپ شىعىپ, قولدارىنا سوقا, تەسە, كٷرەك ۇستاتىپ اۋىر جۇمىسقا سالعان. ونداعىسى, سايراعانىڭداي ەندٸ جۇمىس ٸستە دەگەندٸ مەڭزەگەندەرٸ بولسا كەرەك.
وسىلايشا, ەلدٸ ويرانداپ, زييالىسىز قالدارا جازداعان. جاڭىلماسام, سول تۇستا كەيٸن ۇلى رەفورماتور بولعان دەن-سياو-پين (دىڭ-شوۋ-پيڭ) دە اباقتىعا تٷسٸپ اۋىر جۇمىسقا جەگٸلگەن. جەركومنىڭ اقىرعى نەتيجەسٸ دە سولاي بولىپ جٷرمەسە بولدى عوي, نەشە جەردەن ححٸ عاسىر دەپ ٶزٸمٸزدٸ جۇباتساق تا.
قۋاندىق شاماحايۇلىنىڭ جازباسىنان
