Vedomstvoaralyq komissiia otyrysynda taǵy 9 memlekettik qyzmetti kórsetý rásimin jeńildetý máselesi qaraldy, – dep habarlaidy Tsifrlyq damý, innovatsiialar jáne aeroǵarysh ónerkásibi ministrligi.
QR Tsifrlyq damý, innovatsiialar jáne aeroǵarysh ónerkásibi ministrliginde vedomstvoaralyq komissiianyń kezekti otyrysy ótip, komissiia músheleri 41 memlekettik qyzmetti qarastyrdy. Ózekti emes jáne suranysqa ie emes 13 qyzmetti qoldanystaǵy tizilimnen alyp tastaý, al 15 qyzmetti elektrondy formatqa kóshirý jáne ózara uqsas qyzmetterdi biriktirý usynyldy.
Avtomattandyrylatyn qyzmetterdiń qatarynda 086/ý anyqtamasy da bar. Usynylǵan protsedýra bekitilgennen keiin atalǵan anyqtamany mindetti meditsinalyq tekserýden ótý nátijeleri negizinde eGov portaly arqyly alýǵa bolady. Anyqtamada arnaiy QR-kod bolady, ol qujattyń túpnusqalyǵyn tekserýge múmkindik beredi. Mundai elektrondyq anyqtama bir jylǵa jaramdy.
Sonymen qatar, otyrysqa qatysýshylar el Prezidenti jaqynda bekitken Memlekettik qyzmet kórsetý týraly zańnamaǵa engizilgen túzetýlerge bailanysty ózderiniń is-qimyl josparlarymen bólisti. Bul zań tolyq kúshine enýi úshin taǵy 400-ge jýyq normativtik qujattardy qabyldaý qajet. Zańnyń áleýmettik mańyzdylyǵyn eskere otyryp, Asqar Jumaǵaliev memlekettik organdardyń ókilderine osy Zańǵa táýeldi aktilerdi jedel qabyldaý qajettigin eske salyp ótti.
Osy zańǵa «proaktivti» jáne «kompozittik» uǵymdardyń engizilgenin aityp ótý kerek. Iaǵni, endigi ýaqytta memleket azamatqa belgili bir ómirlik jaǵdaida qyzmet kórsetýdi ózi usynady, sondai-aq bir ǵana ótinish jazyp, birqatar ilespe qyzmetterdi alýǵa múmkindik beredi.
«Biz kompozitti jáne proaktivti qyzmetterdiń birqataryn pilottyq rejimde usynýdamyz. Bul tásilder óziniń tiimdiligin kórsetti. Sondyqtan, áriptester, sizderden tiisti zańǵa táýeldi aktilerdi qabyldaýdy barynsha jedeldetýdi suraimyn. Bul túzetýlerdi engizýdiń máni zor, sebebi azamattardyń memlekettik qyzmetterdi alýyn yńǵaily ári jedel ete túspek», - dep atap ótti Asqar Jumaǵaliev.
Komissiia otyrysynda memlekettik qyzmetterdi avtomattandyrý jáne ońtailandyrý boiynsha júrgizilgen jumystar týraly Eńbek jáne halyqty áleýmettik qorǵaý, Aýyl sharýashylyǵy, Densaýlyq saqtaý, sondai-aq Mádeniet jáne sport ministrlikteriniń ókilderi baiandady.
