Қазақстандық креаторлар Бангкокта өткен TikTok LIVE Community Fest 2026 фестивалінде халықаралық деңгейде мойындалды. Іс-шараға Оңтүстік-Шығыс және Орталық Азия елдерінен 300-ден астам LIVE-креатор қатысты.
Фестиваль биыл «Be Part of the Win» ұранымен өтті. Оның аясында креаторлар тәжірибе алмасып, өңірлік стриминг қауымдастығының жетістіктерін атап өтті.
Іс-шараның басты оқиғаларының бірі — TikTok LIVE Community Fest 2026 Awards марапаты. Биыл Оңтүстік-Шығыс және Орталық Азия елдерінен 30-дан астам креатор шығармашылығы, аудиториямен қарым-қатынасы және белсенді қауымдастық қалыптастыруға қосқан үлесі үшін марапатталды.
Қазақстандық екі креатор марапатталды
Қазақстанның екі өкілі де үздіктер қатарынан көрінді.
Руслан Нуртазин (@omgdnss) ең жоғары санат — Legend бойынша марапатқа ие болды. Ол осы санатта марапатталған алты креатордың бірі атанды. Оның тікелей эфирлері ойын-сауықпен қатар, әр елдің көрермендері арасында қарым-қатынас пен мәдени алмасу алаңына айналған.
Ал Сабина (@pipikoldiko) Gold санатында жеңімпаз атанды. Ол эфирлерінде жазылушыларымен ашық диалог құрып, көрермендерді белсенді түрде әңгімеге тартады.
LIVE-креаторлар саны 50%-дан астам өскен
TikTok мәліметінше, 2026 жылдың алғашқы жартыжылдығында Оңтүстік-Шығыс және Орталық Азия елдерінде 95 миллионнан астам креатор тікелей эфир өткізген. Бұл өткен жылдың сәйкес кезеңімен салыстырғанда 50%-дан астам жоғары көрсеткіш.
Олардың ішінде 40 миллионнан астам автор TikTok-та алғаш рет тікелей эфирге шыққан. Ал жаңадан бастаған әрбір үшінші креатор алғашқы 30 күн ішінде алғашқы сыйақысын алған.
Платформада LIVE форматындағы контент тек ойын-сауықпен шектелмей, білім, саяхат, тарих және мәдениет бағыттарын да қамтып келеді. Қазақстанда да музейлер мен мәдени ұйымдар тікелей эфир арқылы ұлттық мұраны халықаралық аудиторияға таныстыру мүмкіндігін пайдалана бастаған.
TikTok LIVE Community Fest 2026 қорытындысы Орталық Азия креаторларының халықаралық LIVE қауымдастығындағы ықпалы артып келе жатқанын көрсетті.
