Qazaqstandyq kreatorlar Bangkokta ótken TikTok LIVE Community Fest 2026 festivalinde halyqaralyq deńgeide moiyndaldy. Is-sharaǵa Ońtústik-Shyǵys jáne Ortalyq Aziia elderinen 300-den astam LIVE-kreator qatysty.
Festival biyl «Be Part of the Win» uranymen ótti. Onyń aiasynda kreatorlar tájiribe almasyp, óńirlik striming qaýymdastyǵynyń jetistikterin atap ótti.
Is-sharanyń basty oqiǵalarynyń biri — TikTok LIVE Community Fest 2026 Awards marapaty. Biyl Ońtústik-Shyǵys jáne Ortalyq Aziia elderinen 30-dan astam kreator shyǵarmashylyǵy, aýditoriiamen qarym-qatynasy jáne belsendi qaýymdastyq qalyptastyrýǵa qosqan úlesi úshin marapattaldy.
Qazaqstandyq eki kreator marapattaldy
Qazaqstannyń eki ókili de úzdikter qatarynan kórindi.
Rýslan Nýrtazin (@omgdnss) eń joǵary sanat — Legend boiynsha marapatqa ie boldy. Ol osy sanatta marapattalǵan alty kreatordyń biri atandy. Onyń tikelei efirleri oiyn-saýyqpen qatar, ár eldiń kórermenderi arasynda qarym-qatynas pen mádeni almasý alańyna ainalǵan.
Al Sabina (@pipikoldiko) Gold sanatynda jeńimpaz atandy. Ol efirlerinde jazylýshylarymen ashyq dialog quryp, kórermenderdi belsendi túrde áńgimege tartady.
LIVE-kreatorlar sany 50%-dan astam ósken
TikTok málimetinshe, 2026 jyldyń alǵashqy jartyjyldyǵynda Ońtústik-Shyǵys jáne Ortalyq Aziia elderinde 95 millionnan astam kreator tikelei efir ótkizgen. Bul ótken jyldyń sáikes kezeńimen salystyrǵanda 50%-dan astam joǵary kórsetkish.
Olardyń ishinde 40 millionnan astam avtor TikTok-ta alǵash ret tikelei efirge shyqqan. Al jańadan bastaǵan árbir úshinshi kreator alǵashqy 30 kún ishinde alǵashqy syiaqysyn alǵan.
Platformada LIVE formatyndaǵy kontent tek oiyn-saýyqpen shektelmei, bilim, saiahat, tarih jáne mádeniet baǵyttaryn da qamtyp keledi. Qazaqstanda da mýzeiler men mádeni uiymdar tikelei efir arqyly ulttyq murany halyqaralyq aýditoriiaǵa tanystyrý múmkindigin paidalana bastaǵan.
TikTok LIVE Community Fest 2026 qorytyndysy Ortalyq Aziia kreatorlarynyń halyqaralyq LIVE qaýymdastyǵyndaǵy yqpaly artyp kele jatqanyn kórsetti.
