Алматының орталығындағы тұрғын үй кешендерінің бірінде өрт шығып, ғимараттағы тұрғындар толық эвакуацияланды. Өртті Төтенше жағдайлар министрлігінің қызметкерлері сөндірді, деп хабарлайды ult.kz.
Алдын ала мәлімет бойынша, өрт Алмалы ауданындағы Әди Шәріпов көшесінде орналасқан көпқабатты үйдің кабель шахтасынан шыққан.
Оқиға орнына өрт сөндірушілер мен жедел жәрдем қызметі жұмылдырылды. Тұрғындарды эвакуациялау және адамдарды құтқару жұмыстары жүргізілді. Өрттің нақты ошағын анықтау үшін мамандар тепловизор қолданған.
Оқиға орнында күйген пластмассаның өткір иісі сезілген. Министрлік өртті жою үшін жедел штаб құрылғанын хабарлады.
Кейін өрт оқшауланып, толық сөндірілді. Өрт сөндірушілер ғимараттан мысықты да қауіпсіз жерге алып шыққан.
