Almatynyń ortalyǵyndaǵy turǵyn úi keshenderiniń birinde órt shyǵyp, ǵimarattaǵy turǵyndar tolyq evakýatsiialandy. Órtti Tótenshe jaǵdailar ministrliginiń qyzmetkerleri sóndirdi, dep habarlaidy ult.kz.
Aldyn ala málimet boiynsha, órt Almaly aýdanyndaǵy Ádi Sháripov kóshesinde ornalasqan kópqabatty úidiń kabel shahtasynan shyqqan.
Oqiǵa ornyna órt sóndirýshiler men jedel járdem qyzmeti jumyldyryldy. Turǵyndardy evakýatsiialaý jáne adamdardy qutqarý jumystary júrgizildi. Órttiń naqty oshaǵyn anyqtaý úshin mamandar teplovizor qoldanǵan.
Oqiǵa ornynda kúigen plastmassanyń ótkir iisi sezilgen. Ministrlik órtti joiý úshin jedel shtab qurylǵanyn habarlady.
Keiin órt oqshaýlanyp, tolyq sóndirildi. Órt sóndirýshiler ǵimarattan mysyqty da qaýipsiz jerge alyp shyqqan.
