قورعانىس جەنە اەروعارىش ٶنەركەسٸبٸ مينيسترٸ بەيبٸت اتامقۇلوۆ قاراعاندى وبلىسىندا زىمىران قۇلاعاننان كەيٸن شىققان ٶرت ٷشٸن رەسەيدٸڭ ٶتەماقى تٶلەمەيتٸنٸن ايتتى, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
"ٶرتتٸ سٶندٸرۋگە باعىتتالعان جۇمىستاردىڭ بارلىعى جاسالدى. سٸزدەر مۇنداي جاعدايلاردىڭ جىلىنا 2-3 رەت بولاتىنىن ەسكەرمەي وتىرسىزدار. ونىمەن قوسا, ٶرت شٶلەيتتٸ اۋماقتا بولدى, كٷن ٶتە ىستىق. ٶرتتٸ سٶندٸرۋگە قاتىستى شارالارعا كەتكەن شىعىندى رەسەيلٸك تاراپ الدى. ولار بارلىق شىعىندى تولىقتاي جاپتى", - دەدٸ مينيستر.
اتامقۇلوۆتىڭ ايتۋىنشا, قازاقستان ٶرت ٷشٸن ٶتەماقى تالاپ ەتپەيدٸ.
"ول جاقتا تەك شٶپ ٶرتەنٸپ كەتتٸ", - دەدٸ مينيستر.
بەيبٸت اتامقۇلوۆ تٶتەنشە جاعدايدان قازا تاپقان ەر ادامنىڭ وتباسىنا جەنە زارداپ شەككەندەرگە قانداي ٶتەماقى بەرٸلەتٸنٸن ناقتىلامادى.
"روسكوسموس" ٶكٸلدەرٸ كٶرسەتەتٸن كٶمەكتٸڭ سوماسى ەزٸرشە تالقىلانىپ جاتىر, ونى ايتا المايمىن. ول رەسەي فەدەراتسيياسىنىڭ بيۋدجەتٸ عوي. كٶمەكتٸڭ بارلىعىن رەسەيلٸك تاراپ كٶرسەتەدٸ, سەبەبٸ قازا تاپقان ەر ادام رەسەيلٸك كەسٸپورىننىڭ جۇمىسشىسى بولىپ سانالادى. سول جاقتان جالاقى الىپ جٷردٸ, ساقتاندىرۋى جەنە تاعى باسقاسى", - دەدٸ مينيستر.
ەسكە سالا كەتەيٸك, 14 ماۋسىمدا كەشكٸ ۋاقىتتا قولدانۋشىلار WhatsApp مەسسەندجەرٸ ارقىلى جەزقازعان ماڭىنداعى تالاپ اۋىلىنا زىمىران قۇلاعانى تۋرالى حابار تاراتقان بولاتىن. حابارلامادا قيراندىدا گەپتيل (ادام ٶمٸرٸنە ٶتە قاۋٸپتٸ حيمييالىق ۋلى زات) بار دەلٸندٸ. اۋىل تۇرعىندارىنا ەسٸك پەن تەرەزەلەردٸ جابۋ كەرەكتٸگٸ جەنە بالالاردى كٶشەگە شىعارماۋ تۋرالى ەسكەرتۋ جاسالعان بولاتىن. سونداي-اق, وسىعان دەيٸن جەزقازعان ماڭىنا قۇلاعان زىمىران قيراندىسىندا قاتەرلٸ گەپتيل جوق ەكەنٸ ايتىلعان ەدٸ.
سونىمەن قاتار, زىمىران قيراندىسى قۇلاعان جەردە بٸر ادامنىڭ قازا تاپقانى جايلى حابارلانعان بولاتىن. ال كەيٸنٸرەك روسكوسموس جەزقازعان ماڭىنداعى قايعىلى وقيعاعا بايلانىستى پٸكٸر بٸلدٸرگەن ەدٸ. ولاردىڭ ايتۋىنشا, ٶرتكە قاتتى سوققان جەل سەبەپ بولعان. "اۋىر مەتەوجاعدايلارعا بايلانىستى حالىق تۇرمايتىن اۋماقتا ٶرت شىقتى. ادامدارعا ەش قاۋٸپ تٶنٸپ تۇرعان جوق, ٶرت سٶندٸرٸلدٸ", - دەگەن ەدٸ روسكوسموس ٶكٸلدەرٸ.
