شىڭجاڭداعى «كەيۋن» ينتەللەكتۋالدى جابدىقتار كومپانيياسى قازاقستاندىق باسپاسٶز ٶكٸلدەرٸنە جٷرگٸزۋشٸسٸز جۇمىس ٸستەيتٸن قوعامدىق كٶلٸكتٸ تانىستىردى, دەپ حابارلايدى ult.kz.
جٷرگٸزۋشٸسٸز شاعىن اۆتوبۋس جاساندى ينتەللەكت, كامەرالار, رادارلار جەنە باسقا دا داتچيكتەردٸڭ كٶمەگٸمەن قوزعالادى. كٶلٸك اينالانى 360 گرادۋسقا دەيٸن باقىلاي الادى. وسى ارقىلى جول باعىتىن ٶزدٸگٸنەن انىقتاپ, كەدەرگٸلەردٸ اينالىپ ٶتٸپ, ايالدامالاردا جولاۋشىلاردى تٷسٸرٸپ, وتىرعىزادى.
فوتو: ult.kz
اۆتوبۋس L4 دەڭگەيٸندەگٸ اۆتونومدى جٷرگٸزۋ تەحنولوگيياسىمەن جابدىقتالعان. ياعني, قالىپتى جاعدايدا كٶلٸكتٸ جٷرگٸزۋشٸ باسقارمايدى. دەگەنمەن ەر اۆتوبۋستا قاۋٸپسٸزدٸك وپەراتورى بولادى. قاجەت بولعان جاعدايدا ول باسقارۋعا ارالاسا الادى.
كٶلٸك تولىق ەلەكتر قۋاتىمەن جۇمىس ٸستەيدٸ. ونىڭ ەڭ جوعارى جىلدامدىعى – ساعاتىنا 40 شاقىرىم, ال بٸر رەت قۋاتتالعاننان كەيٸن شامامەن 200 شاقىرىم جول جٷرە الادى.
فوتو: ult.kz
جٷرگٸزۋشٸسٸز اۆتوبۋستىڭ جۇمىسىن قاشىقتان باقىلايتىن ارنايى باسقارۋ ورتالىعى دا بار. ماماندار كٶلٸكتٸڭ قوزعالىسىن باقىلاپ, قاجەت بولعان جاعدايدا قاشىقتان باسقارۋعا مٷمكٸندٸك الادى. مىسالى, شاڭدى داۋىل نەمەسە قالىڭ قار سيياقتى كٷردەلٸ جاعدايلاردا باسقارۋ وپەراتورلارعا بەرٸلەدٸ.
فوتو: ult.kz
شىڭجاڭداعى چانتسزي جوعارى تەحنولوگييالار ايماعىندا مۇنداي كٶلٸكتەر 2025 جىلعى 20 ناۋرىزدان باستاپ قاتىناي باستادى. العاشقى كەزەڭدە ەكٸ اۆتوبۋس ٸسكە قوسىلعان.
قازٸرگٸ باعىتتىڭ ۇزىندىعى – 9 شاقىرىم. جول بويىندا 12 ايالداما بار. اۆتوبۋستار شامامەن 5 مينۋت سايىن قاتىنايدى. بٸر كٶلٸككە 6 جولاۋشى مەن 1 قاۋٸپسٸزدٸك وپەراتورى سىيادى.
فوتو: ult.kz
كومپانييا مەلٸمەتٸنشە, جٷرگٸزۋشٸسٸز اۆتوبۋستار قازٸر قىتايدىڭ 16 قالاسىندا جۇمىس ٸستەيدٸ. وسى ۋاقىتقا دەيٸن ولار ميلليوننان استام جولاۋشى تاسىمالداعان.
كومپانييا الداعى ۋاقىتتا مۇنداي تەحنولوگييالاردى كٶلٸكپەن قاتار مەدەنيەت پەن تۋريزم سالالارىندا دا قولدانۋ مٷمكٸندٸگٸن قاراستىرىپ وتىر.
بالجان جەڭٸسقىزى
