2021 جىلدىڭ 8 قاڭتارى – «اتلانتيكالىق كەڭەس» اتتى بەدەلدٸ امەريكالىق تالداۋ ورتالىعى قازاقستاننىڭ ازاماتتاردى سوعىس ايماقتارىنان قايتارۋ جەنە ولاردى قوعامعا قايتا ينتەگراتسييالاۋ تەجٸريبەسٸن تالقىلاۋعا ارنالعان ونلاين كونفەرەنتسييا ٶتكٸزدٸ.
بۇل تۋرالى قر سىرتقى ٸستەر مينيسترلٸگٸنٸڭ Telegram كانالى حابارلادى.
ٸس-شاراعا قازاقستان رەسپۋبليكاسى سىرتقى ٸستەر مينيسترٸنٸڭ ورىنباسارى ەرجان اشىقباەۆ, مەملەكەتتٸك دەپارتامەنتتٸڭ زورلىق-زومبىلىق ەكسترەميزمەن كٷرەس جٶنٸندەگٸ ٷيلەستٸرۋشٸسٸنٸڭ ورىنباسارى كريستوفەر حارنيش جەنە اقش-تىڭ جەتەكشٸ ساراپشىلارى قاتىستى.
ە. اشىقباەۆ ۆەبينارعا قاتىسۋشىلاردى سوعىس ايماقتارىنان وتانداستاردى قايتارۋ بويىنشا جٷرگٸزٸلگەن وپەراتسييانىڭ بارلىق كەزەڭدەرٸمەن, سونداي-اق ولاردى بەيبٸت قوعامعا قايتا ينتەگراتسييالاۋ بويىنشا جٷرگٸزٸلٸپ جاتقان جۇمىستارمەن قىسقاشا تانىستىردى. قازاقستاندىق ديپلومات «جۋسان» وپەراتسيياسى بٸرٸنشٸ كەزەكتە راديكالدى يدەولوگييانىڭ قۇربانى بولعان ەيەلدەر مەن بالالاردى قورعاۋعا باعىتتالعان گۋمانيتارلىق ميسسييا ەكەنٸن اتاپ ٶتتٸ.
بۇل - قر پرەزيدەنتٸ قاسىم-جومارت توقاەۆتىڭ «حالىق ٷنٸنە قۇلاق اساتىن مەملەكەت» تۇجىرىمداماسىن, سونداي-اق تۇڭعىش پرەزيدەنت - ەلباسى نۇرسۇلتان نازارباەۆتىڭ تەرروريزمگە قارسى كٷرەس سالاسىنداعى ماڭىزدى حالىقارالىق باستامالارىن ناقتى ٸسكە اسىرۋدىڭ جارقىن مىسالى.
اقش مەملەكەتتٸك دەپارتامەنتٸنٸڭ ٶكٸلدەرٸ مەن امەريكالىق ساراپشىلار ادامداردى سوعىس ايماقتارىنان قايتارۋ جەنە قايتا ينتەگراتسييالاۋ مەسەلەسٸندە قازاقستاننىڭ ەلەمدٸك كٶشباسشىلىعىن اتاپ ٶتتٸ. ولار قازاقستاندىق تەجٸريبەنٸ «ٷلگٸ تۇتاتىن» جەنە وسى ٶتە كٷردەلٸ پروبلەمانى شەشۋگە جاۋاپتى تەسٸلدٸڭ كٶرٸنٸسٸ دەپ مەلٸمدەدٸ.
سونىمەن قاتار, قازاقستان ٷكٸمەتٸنٸڭ اشىقتىعى, ىنتىماقتاستىققا جەنە ديالوگ ورناتۋعا دايىندىعى ايرىقشا اتاپ كٶرسەتٸلدٸ. بريفينگكە قاتىسۋشىلار قازاقستان ەلەمدٸك قوعامداستىقتىڭ تەرروريزمگە قارسى كٷش-جٸگەرٸنە جەنە بۇۇ قاۋٸپسٸزدٸك كەڭەسٸنٸڭ تيٸستٸ قارارلارىن ەنگٸزۋگە ايتارلىقتاي ٷلەس قوسىپ وتىرعانىن اتاپ ٶتتٸ.
