2021 jyldyń 8 qańtary – «Atlantikalyq keńes» atty bedeldi amerikalyq taldaý ortalyǵy Qazaqstannyń azamattardy soǵys aimaqtarynan qaitarý jáne olardy qoǵamǵa qaita integratsiialaý tájiribesin talqylaýǵa arnalǵan onlain konferentsiia ótkizdi.
Bul týraly QR Syrtqy ister ministrliginiń Telegram kanaly habarlady.
Is-sharaǵa Qazaqstan Respýblikasy Syrtqy ister ministriniń orynbasary Erjan Ashyqbaev, Memlekettik departamenttiń Zorlyq-zombylyq ekstremizmen kúres jónindegi úilestirýshisiniń orynbasary Kristofer Harnish jáne AQSh-tyń jetekshi sarapshylary qatysty.
E. Ashyqbaev vebinarǵa qatysýshylardy soǵys aimaqtarynan otandastardy qaitarý boiynsha júrgizilgen operatsiianyń barlyq kezeńderimen, sondai-aq olardy beibit qoǵamǵa qaita integratsiialaý boiynsha júrgizilip jatqan jumystarmen qysqasha tanystyrdy. Qazaqstandyq diplomat «Jýsan» operatsiiasy birinshi kezekte radikaldy ideologiianyń qurbany bolǵan áielder men balalardy qorǵaýǵa baǵyttalǵan gýmanitarlyq missiia ekenin atap ótti.
Bul - QR Prezidenti Qasym-Jomart Toqaevtyń «Halyq únine qulaq asatyn memleket» tujyrymdamasyn, sondai-aq Tuńǵysh Prezident - Elbasy Nursultan Nazarbaevtyń terrorizmge qarsy kúres salasyndaǵy mańyzdy halyqaralyq bastamalaryn naqty iske asyrýdyń jarqyn mysaly.
AQSh Memlekettik departamentiniń ókilderi men amerikalyq sarapshylar adamdardy soǵys aimaqtarynan qaitarý jáne qaita integratsiialaý máselesinde Qazaqstannyń álemdik kóshbasshylyǵyn atap ótti. Olar qazaqstandyq tájiribeni «úlgi tutatyn» jáne osy óte kúrdeli problemany sheshýge jaýapty tásildiń kórinisi dep málimdedi.
Sonymen qatar, Qazaqstan Úkimetiniń ashyqtyǵy, yntymaqtastyqqa jáne dialog ornatýǵa daiyndyǵy airyqsha atap kórsetildi. Brifingke qatysýshylar Qazaqstan álemdik qoǵamdastyqtyń terrorizmge qarsy kúsh-jigerine jáne BUU Qaýipsizdik Keńesiniń tiisti qararlaryn engizýge aitarlyqtai úles qosyp otyrǵanyn atap ótti.
