جانعالي مىرزاليەۆ حاقىندا بٸرەر سٶز
«وي – حوي , شٸركٸن, نەتكەن نۇرلى ەڭ تٸرشٸلٸك,
كٶز اشقالى كٶرگەنٸمٸز جوق كٷرسٸنٸپ.
جۇمىر جەرگە سيماي كەيدە جٷرەمٸز,
جٷرەكتەردە جانارتاۋلار سٸلكٸنٸپ...»
(«تٸرشٸلٸك», جانعالي مىرزاليەۆ)
ييا, اقىن-عۇمىر وسىلايشا تٸرشٸلٸك تامىرىن ۇستاعان ادامي بولمىستىڭ ەر جٷرەكتەگٸ بۇلقىنىسىن بەرەدٸ.
ٶمٸر – كەشۋشٸلەر مەن سٷرۋشٸلەردٸڭ جۇمباق ەلەمٸ. ٶمٸر كەشۋ مەن سٷرۋدٸڭ اراسىندا بايقالمايتىن ۇساق, ٶمٸر قۇرايتىن بٶلشەكتەر بار. ٶمٸر كەشۋ – ەرەكەتسٸز اعىمداعى پەندەشٸلٸك تٸرلٸكتٸڭ جالپىلىق بولمىسى. ٶمٸر – سٷرۋ ماعىنالى ٶمٸر قۇراۋشىلاردىڭ جەكەلٸك بولمىسى.
ٶمٸر – سەزٸنگەندەرگە ەركٸم ٷشٸن تٸرشٸلٸك وربيتاسى بولعانمەنەن, كەدەرگٸلەر شابۋىلى! ەكٸنشٸ جاعىنان سول كەدەرگٸلەر شابۋىلىنا قۇرىلعان سانالىلار بەكٸنٸسٸ! ياعني, ٶمٸر – مايدان! كەدەرگٸلەر بەكٸنٸسٸن قۇراۋشىلار دا – ٶزٸمٸز. ونى باستى كەيٸپكەرلەرٸ – داڭققۇمارلار, مانساپقۇمارلار, ٶزٸمشٸلدەر, كٶرە الماۋشىلار, كٷنشٸلدەر, ٶزٸن ٶزگەدەن بيٸك ساناۋشى-تايازدار, جاعىمپازدار, جالتاڭدار, قيياناتشىلدار, ايارلار, اتاققا ماستانۋشىلار, سانا مەن جٸگەر ەلسٸزدٸگٸن پايدالانۋشىلار سەكٸلدٸ تٸزبەلەر. بۇل كەدەرگٸلەر جويىلماي ٶمٸردٸ شىنايى سٷرۋ مٷمكٸندٸگٸ الىستاي تٷسەدٸ دە, ارپالىسپەن كەشە شىعاسىڭ!
ادامدى ٷش نەرسە ٶمٸر سٷرۋگە قۇلشىندىرادى: ارمان, سەنٸم, ٷمٸت! ارمان ورىندالادى ماعىنالى ماقساتىڭ بولسا, سەنٸم ورىندالادى سەنٸمگە سەرٸك بولساڭ, ٷمٸت – ساناڭدى العا اپارۋشى, ٶمٸرگە قۇلشىندىرۋشى تٸرلٸك جەتەگٸ!
ٶمٸر جالتاڭدى سٷرٸندٸرەدٸ, جٸگەرسٸزدٸ قۇلاتادى, قاناعاتسىزدى جىلاتادى, ەلسٸزدٸ سىندىرادى! ٶمٸر تٸكە قاراعاندى ۇناتادى! سىناعىنان سىرعىماساڭ, سىرالعى تٸرلٸگٸن بۇيىرتادى!
مەنٸڭ قالام تارتۋداعى نەگٸزگٸ ماقساتىم – اقىن تاعدىرىن تالقىعا سالۋ نەمەسە ٶمٸر سٷرگەن وربيتاسىن تارازىلاۋ ەمەس, جٷرەگٸندە جانارتاۋى سٸلكٸنگەن تۋما تالانتتىڭ اعىنىن اقتارىلا حالقىنا ۇسىنعان جىر-جازبالارىنىڭ سىرلى دٷنيەسٸن وقىرمانىنا تابىستاۋ.
كٶسەمسٶزدٸڭ كٶركٸ جازۋدىڭ كٶپتٸگٸندە ەمەس, تٷيٸر سٶز بولسا دا قۇنارىندا. الىپ مۇحيت شٶل قاندىرمايدى, كٸشكەنتاي قاينار بويىڭا قۋات!
جانعالي پوەزيياسى – وقىرمانىن وي ورمانىنا جەتەلەيتٸن سامال سەكٸلدٸ كٶڭٸلگە قونىمدى, بٸردەن ساناعا سايا بەرەتٸن ٶز ٶمٸرٸڭنٸڭ بٶلشەگٸندەي بولىپ كەتەتٸن مازمۇندى پوەزييا!
اقىن تابيعاتىن تانىعىڭ كەلە مە? ونى ٶزٸنەن ٸزدە! اقىن بٷكپەسٸز ٶز تابيعاتىن ٶلەڭمەن جارييا ەتەدٸ:
كٶڭٸلدٸڭ بۇلتى توسىننان,
تورلايدى مەنٸ كەي كەزدە.
تاپ بولا كەتسەڭ مۇندايدا,
دوستارىم تاڭبا مەنٸ ەزگە.
ەرلٸك قىلعان ٸسٸم جوق,
ەز بولىپ تا كٶرمەدٸم.
كٶڭٸل بۇلتى بٸر-اق كٷن,
كٶپ شالىمان كٷندەرٸم.
سوندىقتان ماعان قۇر بوسقا,
كەلمەڭدەر اياپ, مٷسٸركەپ.
ٶمٸردٸ مىنا تىم قىسقا,
ٶتكٸزسەم دەيمٸن كٷرەسپەن.
مەنٸڭ بار شۋاق كٶكتەمٸم,
بار مەندە – دولى بوران دا.
ٶزٸم-اق كٷيٸپ, توڭايىن,
رۇقسات بەرگٸن جاراڭدار! («مەنٸڭ تابيعاتىم») – دەگەن اقىن ٶلەڭٸنەن تىرناۋىق تاعدىرعا جونىن توسقان قايسار مٸنەزدٸ كٶرەمٸز. ٶز بويىڭنان پوزيتيۆتٸك قۇلشىنىس تابۋعا مەجبٷرلەنەسٸڭ!
بٸز ٶمٸر جايلى ويىمىزدى وسى جازبامىزدىڭ كٸرٸسپەسٸ رەتٸندە ايتقان بولاتىنبىز. بۇل وي جانعالي ٶلەڭدەرٸندە كٶركەمدٸك ناقىشتارمەن, كٶركەمدٸك سۋرەتتەۋلەرمەن سالىستىرمالى تٷردە بەرٸلگەن. مەسەلەن, «ٶمٸر» اتتى ٶلەڭٸندە «جاسىل كٶيلەك كيگەن اتىرىپ», «قازىق اياق قاراعاي», «باقىتتى ٶمٸر» تٸركەستەرٸ سٶزدٸڭ جەي عانا تٸركەسۋٸ ەمەس, «اقشا بۇلتتار استىندا» ٶتٸپ جاتقان ادام تاعدىرىنىڭ تامىرلى بەينەسٸ.
قاراڭىز:
جاسىل كٶيلەك كيگٸزگەن اتىراپقا.
قازىق اياق قاراعاي جاڭا عانا,
جىلعالاردان جارىسقان جاتىر اتتاپ.
قازدار كەلەدٸ سۇڭقىلداپ تٶڭٸرەككە,
مامىق سامال ماڭدايعا جەڭٸل ٶپكەن.
اقشا بۇلتتار استىندا ٶتٸپ جاتقان,
اينالايىن باقىتتى ەڭ, ٶمٸر, نەتكەن!
«مەن بۇل ٶمٸردە ماڭدايىما نە جازعانىن ەشقاشان بٸلگەن ەمەسپٸن, بٸر ۇلى ٸسكە جاراتىلعانىمدى ەرقاشان بٸلدٸم», – دەگەن وي ايتىپتى دجون دەۆيسون روكفەللەر. جانعالي دا سٸڭٸر تاعدىردىڭ تارامىسىن تارامداۋ ٷشٸن ەمەس, ۇلى ٸسكە جاراتىلعانىن بٸلگەن جۋرناليست-اقىن. اقىننىڭ ٶمٸر جايلى كٶزقاراسى, تٷيٸنٸ «ٶمٸردٸڭ كەيبٸر سەتتەرٸ» ٶلەڭٸنەن ايقىن كٶرٸنەدٸ. ٶمٸردٸڭ قۇبىلمالى زاڭدىلىعىن سول قالپىندا سۋرەتەيدٸ:
بۇل ٶمٸردە قاراپ تۇرساڭ – كٶپ قىزىق,
كٶپ قىزىقپەن جٷرمٸز كٷندٸ ٶتكٸزٸپ.
كٶز جاسىڭدى الار بٸردە تٶككٸزٸپ,
باقىتىڭدى قويار كەيدە تەپكٸزٸپ.
جالعان تٸرلٸكتٸ جالپاعىنان باسساڭ دا, جالعانىنان باسساڭ دا اعىمدى كٷننٸڭ بۇيىرمىسى قالىپتى. بٸردە تٷكسيٸپ, بٸردە جادىراپ, بٸردە قاڭىراپ ادام تاعدىرىن قارعىلايدى. بۇل زاڭدىلىقتان ەشكٸم دە قالىس قالا المايدى. بۇل تابيعي زاڭدىلىق قانا. ال, ادامدار شە? ادامداردىڭ قۇبىلۋى – قاسٸرەت! اقىن وپتيميزمٸ بۇعان دا جىرىنان جاۋاپ تابادى:
ەندٸ ٶكٸنٸپ كەرەگٸ جوق قان بۇزىپ,
ٶمٸر الدا, تاۋسىلماعان بار قىزىق.
سايقىمازاق, سىر اينالعىش دوستاردان
ارتىعىراق كٶرٸنەدٸ جالعىزدىق!
ٶز ويىمنان ٶزٸم كەيدە تٷڭٸلەم,
ار سوتىنىڭ الدىنا كەپ جٷگٸنەم.
كٶپ جىل بويى جوعالتقان بٸر نەرسەمدٸ
اق قاعازدان تاباتىنداي ٷڭٸلەم...
– دەگەن تٷيٸندٸ سٶز ايتادى اقىن تٸلٸ.
گي دە موپاسسىن: «جازۋشىنىڭ بٸر عانا قابٸلەتٸ بار. ول ٶمٸردەگٸ شىندىقتى كٶزٸمەن كٶرٸپ, ونى ناعىز شەبەردەي سۋرەتتەيدٸ. قالعاندارى ەكٸجٷزدٸ ادامنىڭ تٸرلٸگٸ عانا», – دەيدٸ. راس!
جانعالي پوەزيياسى – ناقتى وبرازدىڭ, شاشاۋ شىقپاس ويدىڭ پوەزيياسى. اقىن «ۋەدە» اتتى ٶلەڭٸندە:
بولسا دا اقىندىقتىڭ ازابى كٶپ,
جٷرگەم جوق تابيعاتتىڭ مازاعى دەپ.
شابىت اپ مىناۋ ٶمٸر دٷبٸرٸنەن,
وت جىردى ٶرەكپٸتە جازامىن كەپ.
تٶگٸلمەۋ قيىن ەكەن تاسىپ تۇرىپ,
بارادى ۋاقىت دەگەن اسىقتىرىپ.
ويىمدى جٷرەگٸممەن ايتام ەندٸ,
اۋزىمدى الاقانمەن باسىپ تۇرىپ.
وسى بٸر ٶلەڭدە جانعاليدىڭ بٷكٸل اقىندىق بولمىسى انىق كٶرٸنەدٸ. ەڭ الدىمەن بۇدان بٸز اقىندىق تاعدىردىڭ عاجاپ تا قيىن تٸرشٸلٸگٸن, ونى موينىنا العان تالانتىن ازاپتى جولىن كٶرٸپ-تانيمىز.
«ليريكانى تٷسٸنۋ-پايىمداۋىنداعى ٷلكەن جەنە جيٸ كەزدەسەتٸن قاتەلٸك-اقىن ٶز اتىنان ايتقانىنىڭ بەرٸن تەك ٶزٸ تۋرالى, ٶز باسى جايىندا ايتىپ وتىر دەپ قاراۋ, ول بولعاندى عانا ەمەس, بولاتىندى دا, ٶزٸنە عانا ەمەس, ٶزگەگە دە تەن كٶڭٸل-كٷيٸن سەزٸنە ايتا الاتىنىن ەسكەرمەۋشٸلٸك», – دەيدٸ كٶرنەكتٸ عالىم ز.احمەتوۆ.
جانعالي – جاسقانشاق اقىن ەمەس. اقىننىڭ ٶزەگٸن جارىپ شىققان «العا ۇمتىلام» دەگەن ٶلەڭٸندەگٸ ٶمٸرشەڭدٸك اۆتوردىڭ پوەزييا پلانەتاسىنداعى پلاتفورماسىن پاش ەتكەندەي:
العا ۇمتىلام ٶمٸردٸڭ اسقارىنا,
بٸر تىنشۋ جوق ەيتەۋٸر جانىمدا.
قىزعالداعى قىرمىزى, قىزىعىم مول,
داق تٷسپەسە بولعانى اسپانىما.
اسا بەرەم اسۋلار, بەلەڭدەردەن,
(ٶمٸر ٶزٸ تۋماعان ٶلەڭدەر مە ەي)
باقىتىمدى قولىمنان جاساپ جٷرمٸن,
سارعايماي-اق بٸر كٷنٸ كەلەر دەۋمەن.
«ٶمٸردٸ جاقسى كٶرۋ كەرەك, ەڭ ۇسقىنسىز فورمادا بولسا دا» جاك-يۆ كۋستو. ليريكانىڭ كٷشٸ – ەسەرلٸلٸگٸندە, ەسەرلٸلٸك ەر نەرسەنٸ ەنشەيٸن اۋىزەكٸ ەڭگٸمە قىلعانداي سىلدىراتىپ ايتىپ بەرۋدە ەمەس, ايتايىن دەگەنٸن وقيعالى تٷرگە اينالدىرۋدا, سۋرەتتەپ جەتكٸزۋٸندە, دەمەك, ليريكانىڭ كٷشٸ بايانداۋدا ەمەس, سۋرەتتەۋدە جاتادى. «پورترەت» اتتى ٶلەڭٸنٸڭ فابۋلاسى – ٶتە قاراپايىم, وي تاستاۋ ماعىناسىنداعى بەرٸلگەن قوعامنىڭ كٶلەڭكەلٸ تۇسىنداعى سولعىن بەينە.
مىسالى:
جٷزٸ سىنىق. كيٸمٸ دە جۇپىنى,
بەلكٸم ونىڭ تابىلماي جٷر كٷتٸمٸ.
تۋعان كٷنٸ ساۋلىق تٸلەپ كٸمٸ ونىڭ
شاراپ تولى كٶتەرەدٸ قۇتىنى?
پەس جانارىن تاستايدى ول كٶشەگە ,
(بايلاۋلى باق تاستالماعان كەسەگە),
بەلكٸم ونىڭ باسپاناسى جوق شىعار
نەر سىزباعان شىعار بەلكٸم كەشەدەن.
ونى ەشكٸمنٸڭ قىزىقتىرماس اتاعى,
قايىرىمدى جان جوعى عانا باتادى.
قالتاسىنا جاسىرىنىپ قولدارى
كٶك تٷتٸنگە كٶمٸلەدٸ ساقالى..
جانعالي پوەزيياسىنىڭ دەتالدارى وقىرمان كٶز الدىنا تاماشا سۋرەتتەر ەكەلەدٸ. ەسٸرەسە, تابيعاتتى سۋرەتتەگەندە دەتال اقىننىڭ باستى قۇرالىنا اينالىپ كەتەتٸنٸن بايقايمىز. جاندى قۇبىلىس, تارتىمدى بەينە, سومسۋرەتتەر, تٸپتٸ شەبەر سۋرەتشٸنٸڭ قولىنان شىققان ەدەمٸ ناتيۋرمورت كٶرگەندەي دە بولاسىز.
اقىن – ادام پورترەتٸنٸڭ دە, پەيزاجدىڭ دا شەبەرٸ. از سٶزبەن جەكە دەتال شتريحپەن كٷردەلٸ دە قىزىق سۋرەتتەر سالادى. اقىننىڭ «جۇلدىز» ٶلەڭٸنەن وسى ايتىلعاندارعا دەلەل تابا الاسىز:
تٷن سامالى بەينە ەجەمدەي سىيپاپ قارا شاشىمدى,
شٸلدەلٸكتەر شاتتىق كٷيٸن شەرتەدٸ ەنە قاسىمدا.
كٶز جٸبەرٸپ تۋ الىسقا كٶك شالعىندا جاتىرمىن,
جىمىڭداعان سانسىز جۇلدىز تٷپسٸز ويعا باتىردى.
ارۋلارداي الداپ ولار تۇر الىستان قول بۇلعاپ,
قۇر دەرمەنسٸز, سەزٸم بۋىپ, ەجۋە بولعان مەن بەيباق.
ٶلەڭ جولدارىنان اڭعارعانىمىز, اۆتوردىڭ ەيتەۋٸر بەينەلٸ ٶلەڭ سٶز دەمەي, تاقىرىپ تابيعاتىنا, ٶلەڭ ماتەريالىنىڭ سيپاتىنا وراي كەستەلەر ٸزدەيدٸ.
پوەزييا مەدەنيەتٸن كٶتەرۋگە ٷلەس قوسقان اقىننىڭ جىر-قازىناسىنان جەكەلەگەن ٷزٸندٸلەر كەلتٸرەلٸك.
دالانى بٷركەپ بوز قىراۋ,
شىمشيدى اياز بەتٸڭدٸ.
تايالعان قىستىڭ – كٷز مىناۋ
شابارمانى سەكٸلدٸ.
شۇباتىلعان شۋداداي,
مۇرجالاردىڭ تٷتٸنٸ.
جۇرت سوعىمىن سويىپ اپ,
جٷر «قوناعىن» كٷتٸنٸپ.
اقىن قالامى ٶرنەكتەگەن «تٷن سامالى ەجەمدەي سىيپاپ», «شٸلدەلٸكتەر شاتتىق كٷيٸن شەرتەدٸ», «ارۋلارداي قول بۇلعاپ», «تايالعان قىستىڭ – كٷز مىناۋ شابارمانى سەكٸلدٸ», «شۇباتىلعان شۋداداي, مۇرجالاردىڭ تٷتٸنٸ» بارلىعى دا ٶلەڭ ٶڭٸرٸنە كەستەلەگەن بەدەرلٸ كەستەدەي تەڭەۋلەر. بۇل قۇبىلىس «اۋىل كەشٸ» ٶلەڭٸندە جالعاسىن تابادى.
تارماقتاپ تاراتىپ كٶرەلٸك:
...ەگٸنجايدىڭ كٶلەڭكەسٸ ۇزارىپ,
قارا جولدىڭ يىعىنا سٷيەندٸ,
....ەلدەنەگە قىمسىنعانداي قىزارىپ.
ەنە, اسىعىس كٶكجيەككە كٷن ەندٸ,
...ەر جٷرەككە كٷيٸن قۇيعان سۇڭقىلداپ,
وسى كەشكٸ تٸرشٸلٸك – اي ٷيدەگٸ...
ناقتىلىق, سۋرەتكەرلٸك پەن بەينەلٸك – شىنايى تالانتتان تۋىنداۋدىڭ نىشانى. سودان بولسا كەرەك اقىن سٶزدٸ ٷنەمدٸ پايدالانادى, كٶبٸنەسە قۇبىلىستى سۋرەتكەرلٸكپەن, كٶركەمدٸك تٸركەستەرمەن, ايشىقتى بەدەرلەرمەن كٶرسەتۋگە تىرىسادى.
اقىندار كٶركەم اۋىستىرۋلار ارقىلى بولمىستىڭ, دٷنيەنٸڭ كەلبەتٸن شىنايى قالپىندا ينديۆيدۋالدىق-اۆتورلىق تۇرعىدان سۋرەتتەيتٸن بولماسا, وندا ول ٶزٸنٸڭ ٶرنەكتٸلٸك-كٶركەمدٸك مٸندەتٸن شەبەر جەنە سۋرەتكەرشە قابىلداي بٸلگەنٸ. اۋىستىرۋ تەسٸلٸنٸڭ بويىندا سان الۋان قاسيەتتەر بار. ولار: ٶرنەكتٸلٸك, ەكسپرەسسيۆتٸك, تٷسٸندٸرمەلٸك, بولجاعىشتىق, تانىمدىق, رەپرەزەنتاتيۆتٸك.
ٶلەڭدەگٸ وقىس, ايشىق, وقشاۋ كونتراست ورامدار قۇرايدى:
ەي, مەنٸڭ سىبىزعى ساز تٸرشٸلٸگٸم,
كٷنٸم بول دا كٶگٸمنەن كٷلشٸ بٷگٸن.
سەۋٸرلەردە مەن سەنٸڭ قاز داۋسىڭمىن,
كٶكتەمدەردە مەن سەنٸڭ بٷرشٸگٸڭمٸن.
اينا بۇلاق ارمانمىن سىڭقىلداعان,
نازدى ويلارمەن تىڭى ەلٸ جىرتىلماعان.
كٶكٸرەگٸمنەن بٸر كٷيدٸ كٷمبٸرلەتسەم,
عاسىر قۇرىپ مالداسىن سىر تىڭداعان.
شۇعىلامىن قارالىق قاشىقتاعان,
اق قايىڭداي ارۋلار عاشىق ماعان.
كٶتەرەم دەپ جەردەگٸ جاپىراقتاعى,
كٷي تٸلٸڭدٸ بايقاماي باسىپ قالام! («ەي, تٸرشٸلٸك!»)
وقىعان كٶزگە قاراپايىمداۋ بولعانىمەن, وسى تەڭەۋلەردٸڭ ەسەرلٸلٸگٸ كٷشتٸ ەكەنٸن اڭعارۋ قيىن ەمەس. ادام سەزٸمٸنە تەرەڭ بويلاپ ەسەرلٸ قييالعا بٶلەيدٸ, ويلاندىرادى. اقىن ويىنىڭ كٶرٸنٸسٸ ايقىندالدى.
ٶمٸردەگٸ ەرقيلى زاتتى, قۇبىلىستى تەك بٸر-بٸرٸمەن سالىستىرۋ ارقىلى ونىڭ قىرى مەن سىرىن تانىپ بٸلۋگە بولاتىنى ەمبەگە ايان. سوندىقتان بولار وسى تانىپ بٸلۋدٸڭ دە ٶزٸنشە قۇپييا سىرى,تەسٸلٸ ەربٸر سۋرەتكەردٸڭ ٶمٸرگە, دٷنيەگە, جاساپ وتىرعان قوعامىنا,مەملەكەتتٸك ساياساتىنا,ٶزٸنٸڭ جان-جاقتى بٸلٸمٸنە, سٶزدٸك قورىنا, تٸل بايلىعىنا فيلوسوفييالىق تەرەڭ ويدى اقىندىق شەبەرلٸكپەن تۇجىرىمداۋ قابٸلەتٸنە, انىعىراق ايتساق, ازاماتتىق ٶرٸسٸنە بايلانىستى-ٷلكەن مەسەلە. مۇنى جاقسى تٷسٸنٸپ, تەرەڭ سەزٸنگەن جانعالي مىرزاليەۆ جوعارىدا كەلتٸرٸلگەن مىسالدارداعى تاڭداپ الىنعان ٶتكٸر دە ناقتى, دەلدٸكپەن بەرٸلگەن تەڭەۋلەرٸ ارقىلى بٸزگە پاش ەتەدٸ.
اقىن پوەزيياسىنىڭ شىعارماشىلىق شىرايىنىڭ كٶركەمدٸك كٷش-قۋاتى تابيعي تالانتتان تۋىندايدى. اقىندىق پاراسات پەن پارىزدىڭ جٷگٸن تەڭ ارقالاعان سۋرەتكەر پوەزيياسىنىڭ قادىر-قاسيەتٸمەن قۇندى. سۋرەتكەر ٶلەڭ تەحنولگيياسىنىڭ ەدٸس-تەسٸلدەرٸن ٶمٸرشەڭدٸك جەتە مەڭگەرۋ ارقىلى تۋما تالانتىنىڭ كٶزٸن اشادى, ٶلەڭ-جىرلارىنا بەدەر بەرەدٸ.
گەگەل: «اقىندىق تۆورچەستۆو تابيعاتتى تۋرا كٶشٸرۋ ەمەس. پوەزييا, تەرەڭ ماعىناسىندا, شىنايى, كيەلٸ, اسىل ٶنەر. اقىن بارشا قۇبىلىستار مەن زاتتاردىڭ نەگٸزٸن ۇعىپ, تٷسٸنەتٸن اسقاق رۋحتىڭ يەسٸ. اقىن تابيعاتتىڭ ەدەمٸلٸگٸ مەن ەسەمدٸگٸن تۇتاستىققا نەگٸزدەيدٸ دە, قايداعى بٸر قۇدٸرەتتٸڭ ەرەكشە بەلگٸسٸ رەتٸندە قابىلدايدى», – دەگەن بولاتىن.
قورىتا ايتقاندا, ج. مىرزاليەۆ پوەزيياسى ٶز بەدەرٸنە لايىقتى ورنىن الار, ۇلتتىق رۋحاني بايلىقتىڭ بٸرەگەۋٸ دەۋگە تولىق دەلەل بار.
ج.مىرزاليەۆتٸڭ شىعارماشىلىق ٶنەرٸنە زەر سالا قاراعانىمىزدا شەبەرلٸك باسپالداعىنىڭ بارلىق ساتىسىندا دا جەمٸستٸ ەڭبەك ەتٸپ, تەر تٶككەنٸنٸنٸڭ كۋەسٸ بولامىز.
تالاپ تايماسۇلى,
باتىس قازاقستان يننوۆاتسييالىق-تەحنولوگييالىق ۋنيۆەرسيتەتٸنٸڭ اعا وقىتۋشىسى. اقىن, «جيەمبەت جىراۋ» اتىنداعى سىيلىقتىڭ يەگەرٸ.
