فوتو: inbusiness.kz
الماتىدا "دامۋ بالا" باعدارلاماسى ارقىلى سەكتسييا مەن ٷيٸرمە اشقان كەسٸپكەرلەر تيٸستٸ قاراجات ۋاقىتىندا تٷسپەگەندٸكتەن ۋاقىتىندا جابىلۋعا مەجبٷر ەكەنٸن ايتتى.
31-ارنانىڭ ينفورمبيۋرو باعدارلاماسىنىڭ حابارلاۋىنشا, كەسٸپكەرلەر ەكٸمدٸكتەن بٶلٸنەتٸن قاراجاتتىڭ تىم كەش بەرٸلەتٸنٸن ايتادى. ال كەيٸنگٸ ايلاردى تٸپتٸ اقشا تٷسپەگەن. سپورتتىق ٷيٸرمەلەرگە قاتىساتىن 200-گە جۋىق بالا بۇعان دەيٸن "دامۋ بالا" باعدارلاماسىمەن تەگٸن جاتتىعىپ كەلگەن. الايدا كەيٸنگٸ ۋاقىتتا قاراجات بٶلٸنبەي كەسٸپ يەلەرٸ شاراسىز كٷيگە تاپ بولدى. ٷيٸرمەلەر ٶتەتٸن عيمارات جابىلىپ, جۇمىسشىلار ايلىقسىز قالدى.
"مەملەكەت بٸزگە بٶلٸنگەن اقشانى ۋاقىتىمەن بەرۋ كەرەك. مۇنداي جوبا بولماسا, باستاما باستاردىڭ الدىندا بيۋدجەتتٸ دۇرىستاپ ەسەپتەۋ كەرەك. مەن بٷيتٸپ ەدٸم, بىلاي ەكەن دەگەن سىلتاۋلار ايتىلماۋى كەرەك. ەندٸ مەن جاپ-جاڭا رەمونت كٷيٸمەن قايتادان سول زالدى بۇزىپ قازٸر دالادا جٷرمٸز. بالالارىمىزعا پاركتە, دالادا جاتتىعۋ جاساتىپ جاتىرمىز", – دەيدٸ "دامۋ بالا" باعدارلاماسىنا قاتىسۋشى ايدار شەرٸباەۆ.
ال الماتى قالالىق جەتكٸزۋشٸلەر قوعامدىق بٸرلەستٸگٸنٸڭ قۇرىلتايشىسى ناتاليا مياگكيحتٸڭ ايتۋىنشا, سپورتتىق جەنە شىعارماشىلىق سەكتسييالاردىڭ بٸرازى ەڭبەكتەرٸنە ساي تٶلەمدەرٸن الا الماي جٷر.
"قالا ەكٸمدٸگٸنٸڭ تاراپىنان مامىر جەنە ماۋسىم ايىنىڭ تٶلەنبەگەن قاراجاتى بار. ال شٸلدە ايىنىڭ ەسەپ قاعازى تٸپتٸ قارالىپ تا جاتقان جوق. شاھارداعى جەتكٸزۋشٸلەردٸڭ باسىم بٶلٸگٸ الا الماي وتىر. مۇنداي جاعداي العاش رەت ەمەس. سوندىقتان بالالارعا بٶلٸنگەن اقشانىڭ ۋاقىتىندا بەرٸلۋٸن تالاپ ەتەمٸز", – دەيدٸ ول.
الماتى قالاسىنىڭ ەكٸمٸ ەربولات دوساەۆ ٶز كەزەگٸندە "دامۋ بالا" باعدارلاماسىنا تيٸستٸ مٶلشەردە قاراجات بٶلٸنٸپ جاتقانىن ايتادى. بۇل ٷشٸن قالا بيۋدجەتٸنەن بيىل 16,5 ميلليارد تەڭگە بٶلٸنگەن. بۇدان بٶلەك جۇمىستى جاقسارتۋ ٷشٸن جاڭا قىزمەت كٶرسەتۋشٸلەردٸ دە تارتۋ جوسپاردا بارىن ايتتى. سەيكەسٸنشە, ەكٸمدٸكتٸڭ كەسٸپكەرلەر الدىندا ەش بورىشى جوق.
"2023 جىلى جەنە 2024 جىلدىڭ 7 ايىندا ەكٸمدٸك قىزمەتتەرگە اقى تٶلەۋدٸ ۋاقىتىلى جٷرگٸزدٸ. بورىشتىق مٸندەتتەمەلەر جوق. 2024 جىلعى 16 تامىزداعى جاعداي بويىنشا جەتكٸزۋشٸدە 71 بەلسەندٸ ۆاۋچەر بار. 104 ۆاۋچەر مۇراعاتتالعان. قىزمەت كٶرسەتۋشٸ "دامۋ بالا" باعدارلاماسىنىڭ جٷيەسٸندە قىزمەت كٶرسەتۋ مەكەنجايىن ٶزگەرتۋ تۋرالى كٶرسەتكەن جوق. باعدارلامانى قارجىلاندىرۋ ارى قاراي دا جالعاسا بەرەدٸ", – دەپ مەلٸمدەدٸ ەكٸمدٸك.
