قازاقستاننىڭ تۇڭعىش پرەزيدەنتٸنٸڭ تٶراعالىعىمەن «سامۇرىق – قازىنا» ۇلتتىق ەل-اۋقات قورىن باسقارۋ جٶنٸندەگٸ كەڭەستٸڭ وتىرىسى ٶتتٸ, دەپ حابارلايدى "ۇلت اقپارات" ەلباسىنىڭ باسپاسٶز قىزمەتٸنە سٸلتەمە جاساپ.
جيىنعا پرەمەر-مينيستر ا.مامين, پرەزيدەنت ەكٸمشٸلٸگٸنٸڭ باسشىسى ب.ساعىنتاەۆ, «سامۇرىق-قازىنا» اكتسيونەرلٸك قوعامىنىڭ باسقارما تٶراعاسى ا.ەسٸموۆ, «سامۇرىق-قازىنا» اكتسيونەرلٸك قوعامىنىڭ تەۋەلسٸز ديرەكتورى ر.ەۆانس, تۇڭعىش پرەزيدەنتتٸڭ كٶمەكشٸسٸ د.اقىشەۆ, باسقارما مٷشەلەرٸ جەنە قوردىڭ ۇلتتىق كومپانييالارىنىڭ باسشىلارى قاتىستى.
وتىرىستا «سامۇرىق-قازىنا» اكتسيونەرلٸك قوعامىنىڭ 2018-2028 جىلدارعا ارنالعان دامۋ ستراتەگيياسىن جٷزەگە اسىرۋ تۋرالى ەسەپ تىڭدالدى, سونداي-اق قوردى ودان ەرٸ ترانسفورماتسييالاۋ جٶنٸندەگٸ تاپسىرمالاردىڭ ورىندالۋ بارىسى تالقىلاندى.
– قور ەل ەكونوميكاسىندا ماڭىزدى رٶل اتقارادى. بٸز وزىق حالىقارالىق تەجٸريبەنٸ زەردەلەپ, وسى قوردى قۇردىق. بٷگٸندە «سامۇرىق-قازىنا» قورى ەل ەكونوميكاسىن دامىتۋعا ەلەۋلٸ ٷلەس قوسىپ كەلەدٸ, – دەدٸ ەلباسى.
باسقوسۋ بارىسىندا «سامۇرىق-قازىنا» اكتسيونەرلٸك قوعامىنىڭ باسقارما تٶراعاسى ا.ەسٸموۆ كورپوراتيۆتٸك ورتالىقتاردىڭ قۇرىلىمىن وڭتايلاندىرۋ جەنە قوردىڭ باسقارۋ دەڭگەيلەرٸن قىسقارتۋ نەتيجەلەرٸ تۋرالى باياندادى. نۇرسۇلتان نازارباەۆقا قور كومپانييالارىن جەكەشەلەندٸرۋ, يندۋستريالدىق-يننوۆاتسييالىق دامۋ جەنە «نۇرلى جول» باعدارلامالارىن ٸسكە اسىرۋ بارىسى تۋرالى مەلٸمدەلدٸ. ا.ەسٸموۆتىڭ اقپاراتىنا سەيكەس, بٷگٸنگٸ تاڭدا قور جالپى سوماسى 8 تريلليون تەڭگەنٸ قۇرايتىن 54 جوبانى جٷزەگە اسىرۋدا جەنە 68 مىڭ جاڭا جۇمىس ورنى اشىلدى.
- بٸز قور پورتفەلٸن ەرتاراپتاندىرۋ ٷشٸن ەگەمەن قورلارمەن جەنە حالىقارالىق ينۆەستورلارمەن ستراتەگييالىق سەرٸكتەستٸك ورناتۋ مٷمكٸندٸكتەرٸن قاراستىرىپ جاتىرمىز. قازٸرگٸ تاڭدا جالپى سوماسى 13,3 ميلليارد دوللاردى قۇرايتىن ەكٸ جاقتى 28 كەلٸسٸمگە قول قويىلدى, – دەدٸ «سامۇرىق قازىنا» اق باسقارما تٶراعاسى.
جيىندا, سونداي-اق, ر.ەۆانس, ا.مامين جەنە ۇلتتىق كومپانييالاردىڭ باسشىلارى بايانداما جاسادى.
قازاقستاننىڭ تۇڭعىش پرەزيدەنتٸ ۇلتتىق ەل-اۋقات قورىنىڭ قىزمەتٸ جٸتٸ باقىلاۋىندا بولاتىنىن اتاپ ٶتتٸ.
– قوردىق باستى مٸندەتٸ – اكتيۆتەردٸ كٶبەيتۋ, تابىستى ارتتىرۋ جەنە ۇلتتىق كومپانييالاردى دامىتۋ. قور اكتيۆتەرٸنٸڭ ەل ەكونوميكاسى ٷشٸن ستراتەگييالىق ماڭىزى بار. جاڭا باسشىلىق جۇمىسىنىڭ وڭ نەتيجەلەرٸن اتاپ ٶتكٸم كەلەدٸ. قىسقا مەرزٸم ٸشٸندە قارىزدى ازايتىپ, كومپانييالاردىڭ تابىستى جۇمىس ٸستەۋٸن, قارجى قۇرالدارىن تيٸمدٸ باسقارۋدى قامتاماسىز ەتە الدىق, – دەدٸ نۇرسۇلتان نازارباەۆ.
ەلباسى, سونداي-اق, قوردىڭ ساتىپ الۋلاردى ۇيىمداستىرۋ جەنە كەسٸپكەرلٸكتٸ قولداۋ سالاسىنداعى جۇمىسىنىڭ نەتيجەلەرٸن جوعارى باعالادى.
– قور ٸشٸندە بٸر جەردەن ساتىپ الۋ ايتارلىقتاي قىسقارىپ, تەندەرلەردٸڭ كٶلەمٸ ارتتى. ولار اشىق ٶتكٸزٸلەتٸن بولدى. بٷگٸندە جۇمسالاتىن شىعىن 5 ەسە ازايدى. ٶكٸنٸشكە قاراي, مەملەكەتتٸك ورگانداردىڭ ساتىپ الۋ ٸسٸندە مۇنداي نەتيجە جوق. مٸندەتتەر دۇرىس بەلگٸلەنگەن جاعدايدا قولدانىستاعى زاڭ نورمالارى دا ميللياردتاعان تەڭگەنٸ ٷنەمدەۋگە مٷمكٸندٸك بەرەتٸنٸن قور قىزمەتٸ ايقىن كٶرسەتٸپ وتىر, – دەدٸ قازاقستاننىڭ تۇڭعىش پرەزيدەنتٸ.
نۇرسۇلتان نازارباەۆ قوردىڭ ادام رەسۋرستارىن باسقارۋ سالاسىندا قولعا الىپ جاتقان شارالارىنا قولداۋ بٸلدٸردٸ.
– كومپانييالار مەن كەسٸپورىنداردىڭ باستى اكتيۆٸ – ادامدار. جۇمىسقا الۋ رەسٸمٸنٸڭ اشىق بولعانى ماڭىزدى. بارلىق تاعايىنداۋلار ترانسپارەنتتٸ بولۋعا تيٸس, – دەدٸ ەلباسى.
جيىن قورىتىندىسى بويىنشا قوردىڭ قارجى جاعدايىن ودان ەرٸ جاقسارتۋعا, ەلٸمٸزدٸڭ تاۋار ٶندٸرۋشٸلەرٸن قولداۋعا, «قازاقتەلەكوم» جەنە «Air Astana» كومپانييالارىنىڭ اكتسييالارىن IPO-عا شىعارۋعا باعىتتالعان شەشٸمدەر قابىلداندى.
