فوتو: adyrna.kz
ۇلتتىق قۇرىلتاي – ەلٸمٸزدەگٸ ٷلكەن ديالوگ تەتٸگٸنە اينالعان ٶزەكتٸ باسقوسۋ الاڭى ەكەنٸنە بۇعان دەيٸنگٸ ٶتكەن وتىرىستاردا كٶز جەتكٸزدٸك. بۇل تۋرالى ۇلتتىق قۇرىلتاي مٷشەسٸ, مەجٸلٸس دەپۋتاتى جۇلدىز سٷلەيمەنوۆا Ult.kz حابارلايدى."بٸز ۇزاق جىلدان بەرٸ قوردالانىپ, تٷيٸنٸ تارقاماعان تٷيتكٸلدٸ مەسەلەلەردٸ وسى ديالوگ الاڭىندا تالقىعا سالىپ, زاڭنامالىق تەرتٸپپەن رەتتەپ, تيٸستٸ شەشٸمدەرٸن قابىلدادىق" دەپ وتىر جۇلدىز سٷلەيمەنوۆا.
"ەرينە, مۇنىڭ بەرٸ وڭايلىقپەن كەلە قويمادى. ۋاقىت ٶتە كەلە مەملەكەت باسشىسى باستاعان قۇرىلتاي مٷشەلەرٸنٸڭ بارلىق باستاماسى دۇرىس ەكەنٸ دەلەلدەنە باستادى. وسى رەتتە لۋدومانيياعا قارسى كٷرەستەگٸ زاڭنامالىق جەتٸستٸكتٸ ايرىقشا اتاۋعا بولادى. ستاتيستيكا كٶرسەتكەندەي, بۇل دەرت مەملەكەتتٸك قىزمەتشٸلەر مەن ەسكەريلەردٸڭ دە اراسىندا كەڭ تاراپ كەتكەن. ەندٸگەرٸ مۇنداي زيياندى كەسەلدٸڭ تارالۋىنا توسقاۋىل قويىلىپ, جالپى وسى ويىن بيزنەسٸنە مٷلدەم تىيىم سالىندى.
سونىمەن قاتار, ەيەلدەر مەن بالالاردىڭ قۇقىقتارىن قورعاپ, قاۋٸپسٸزدٸگٸن قامتاماسىز ەتۋ دە دەر كەزٸندە قولعا الىنىپ, تيٸستٸ زاڭ قابىلداندى. بۇل زاڭنىڭ تالقىلانىپ كەلە جاتقانىنا سەگٸز جىلعا جۋىقتادى. ونىڭ ٸشٸندە, مىسالى, دەنساۋلىققا قاساقانا جەڭٸل زييان كەلتٸرۋ, ۇرىپ-سوعۋ باپتارى كريميناليزاتسييالاندى. وسى زاڭنىڭ ارقاسىندا قوعامدا زاڭ جەنە تەرتٸپ قاعيداتى رەتتەلٸپ, جۇمىس ٸستەي باستادى. كەيٸنگٸ جىلدارى بالالار اراسىنداعى بۋللينگ, بٸر-بٸرٸن اياۋسىز ۇرۋ سىندى كەلەڭسٸزدٸكتەر كەڭ ەتەك الىپ كەتتٸ. ادامگەرشٸلٸك قۇندىلىقتار قۇردىمعا كەتٸپ بارا جاتقانى بايقالادى. سول سەبەپتٸ ەل جاستارىن تەرتٸپكە باعىندىرىپ, تەزگە سالاتىن بٸر قۇجاتتىڭ قابىلداناتىن كەزٸ كەلدٸ. ودان بٶلەك ەكٸمشٸلٸك قۇقىق بۇزۋشىلىق كودەكسٸنە دە ٶزگەرٸستەر ەنگٸزٸلٸپ, بۋللينگكە قارسى شارالار قولعا الىنىپ, تيٸستٸ جاۋاپكەرشٸلٸك قاراستىرىلدى", -دەيدٸ ج. سٷلەيمەنوۆا.
ونىڭ ٷستٸنە ەسٸرتكٸ اينالىمى, ۆەيپتەردٸڭ اشىق ساتىلىمى سىندى ٶزەكتٸ مەسەلەلەر دە كٷن تەرتٸبٸنەن تٷسپەي كەتتٸ. بۇدان بىلاي وسى زيياندى زاتتاردىڭ جارناماسىنا تىيىم سالۋ ارنايى زاڭمەن رەتتەلمەك ەكەنٸن ايتقان دەپۋتات ٶتكەن وتىرىستارعا كٶز جٷگٸرتسەك, قۇرىلتايدا كٶتەرٸلگەن مەسەلەلەردٸ نەگٸزگە الا وتىرىپ, 10 زاڭ جوباسىنا باستاماشىلىق جاسالىپ, 9 زاڭ قابىلداندى دەپ وتىر.
"ال ۇلتتىق قۇرىلتايدىڭ بۋرابايدا ٶتكەن تٶرتٸنشٸ وتىرىسىندا دا مەملەكەت باسشىسى قاسىم-جومارت توقاەۆ ەل نازارىنداعى تٷيتكٸلدٸ مەسەلەلەردٸ قاۋزاپ, تيٸستٸ تاپسىرمالارىن بەردٸ. پرەزيدەنت بيىلعى جۇمىسشى ماماندىقتارى جىلىنىڭ ماڭىزى جايلى دا از ايتپادى. جاسىراتىن نەسٸ بار, بٸز ەڭبەك ادامى جايلى كٶپ ايتپايتىن بولعانبىز. بۇل تۇرعىداعى ناسيحاتقا سوڭعى ٷش جىلدا عانا مويىن بۇرا باستادىق. بٸزدٸڭ قوعامنىڭ كەيبٸر مٷشەلەرٸ كٶشەنٸ, اۋلانى لاستاپ جاتىپ مۇنى ەرتەڭ كٸم جينايدى دەگەن مەسەلەگە باس قاتىرمايتىن بولعان. قۇددى بٸر بەرٸ ٶز-ٶزٸمەن تازالانا قالاتىن سيياقتى بٸزگە. سول اۋىر جۇمىستىڭ ارتىندا قانشاما ادامنىڭ ماڭداي تەرٸ, ادال ەڭبەگٸنٸڭ جاتىر.
قاسىم-جومارت كەمەلۇلىنىڭ باستاما كٶتەرۋٸمەن جارييالانعان جۇمىسشى ماماندىقتارى جىلى ەلدٸڭ يگٸلٸگٸنە, دامۋىنا ايانباي ەڭبەك سٸڭٸرٸپ جٷرگەن قانشاما قاراپايىم جاننىڭ دەرەجەسٸن كٶتەرە تٷسەدٸ دەگەن سەنٸمدەمٸز.
ەكٸنشٸدەن, مەملەكەت باسشىسى شالعايداعى, شەكاراداعى اۋىلدار مەسەلەسٸنە دە نازار اۋدارىپ وتىر. بۇل رەتتە بٸز «ديپلوممەن – اۋىلعا» باعدارلاماسىن جاڭارتىپ, اۋىلعا اتتانعان مامانداردىڭ ماتەريالدىق جاعدايىن كٶتەرۋ مەسەلەسٸن دە تالاي مٸنبەردە ايتتىق.
ٷشٸنشٸدەن, كٸتاپ وقۋ جايى دا الاڭداتادى. كەيٸنگٸ ٷش جىلدا كٸتاپحاناشى مامانداردى دايارلاۋ, جالپى, كٸتاپ وقۋ باستاماسىن جيٸ-جيٸ كٶتەرٸپ جٷرمٸز. مەملەكەت باسشىسى دا بۇعان كٶڭٸل بٶلدٸ", -دەپ سٶزٸن تٷيٸندەدٸ دەپۋتات سٷلەيمەنوۆا.
