الماتىدا «Bank RBK» اق قارجىسىن جىمقىردى دەگەن كٷدٸكپەن ۇستالعان ەكس-بانكير جومارت ەرتاەۆتى قاماۋدا ۇستاۋ مەرزٸمٸ ۇزارتىلدى, دەپ حابارلايدى "ۇلت اقپارات".
مامانداندىرىلعان اۋدانارالىق تەرگەۋ سوتىنىڭ قاۋلىسىمەن جومارت ەرتاەۆ 15 جەلتوقسانعا دەيٸن قاماۋدا وتىراتىن بولدى.
ەسكە سالايىق, ج. ەرتاەۆ 2018 جىلدىڭ مامىرىندا مەسكەۋدە قازاقستان ٸشكٸ ٸستەر مينيسترلٸگٸنٸڭ ينتەرپول ۇلتتىق ورتالىق بيۋروسىنىڭ سۇراۋى بويىنشا ۇستالدى. قر ٸٸم اقپاراتىنا سەيكەس, ول ٸرٸ كٶلەمدە الاياقتىق جاساعانى ٷشٸن حالىقارالىق ٸزدەۋدە بولعان.
ول «Bank RBK» اق ديرەكتورلار كەڭەسٸ تٶراعاسىنىڭ كەڭەسشٸسٸ بولا وتىرىپ, جالعان جشس-نىڭ 80 ملن اقش دوللارى سوماسىندا بانكتەن قارىز الۋىنا ىقپال ەتكەن. سونداي-اق, قارىزدى قايتارماۋ ماقساتىنداعى ەرەكەتتەردٸ جٷزەگە اسىردى دەگەن كٷدٸكپەن ۇستالعان.
سونداي-اق, ونىمەن بٸرگە 54 ادام, سونىڭ ٸشٸندە بانكتٸڭ 41 توپ-مەنەدجەرٸ مەن قاتارداعى قىزمەتكەرلەرٸ - بۇرىن ەكستراديتسييالانعان ب.يبراگيم, ي.ماجينوۆ, د.تۋعانباي, د.ەدٸگەنەۆ, ا.مامىربەكوۆ, ت.شەرٸپوۆ, تاعى باسقالار كٷدٸككە ٸلٸنگەن.
