Almatyda «Bank RBK» AQ qarjysyn jymqyrdy degen kúdikpen ustalǵan eks-bankir Jomart Ertaevty qamaýda ustaý merzimi uzartyldy, dep habarlaidy "Ult aqparat".
Mamandandyrylǵan aýdanaralyq tergeý sotynyń qaýlysymen Jomart Ertaev 15 jeltoqsanǵa deiin qamaýda otyratyn boldy.
Eske salaiyq, J. Ertaev 2018 jyldyń mamyrynda Máskeýde Qazaqstan Ishki ister ministrliginiń Interpol Ulttyq ortalyq biýrosynyń suraýy boiynsha ustaldy. QR IIM aqparatyna sáikes, ol iri kólemde alaiaqtyq jasaǵany úshin halyqaralyq izdeýde bolǵan.
Ol «Bank RBK» AQ direktorlar keńesi tóraǵasynyń keńesshisi bola otyryp, jalǵan JShS-nyń 80 mln AQSh dollary somasynda bankten qaryz alýyna yqpal etken. Sondai-aq, qaryzdy qaitarmaý maqsatyndaǵy áreketterdi júzege asyrdy degen kúdikpen ustalǵan.
Sondai-aq, onymen birge 54 adam, sonyń ishinde banktiń 41 top-menedjeri men qatardaǵy qyzmetkerleri - buryn ekstraditsiialanǵan B.Ibragim, I.Majinov, D.Týǵanbai, D.Edigenev, A.Mamyrbekov, T.Sháripov, taǵy basqalar kúdikke ilingen.
