جولداۋدا قامتىلعان باعىتتار ەلدەگٸ ساياسي تۇراقتىلىقتى ساقتاۋعا كەپٸل بولادى. مۇنداي پايىمدى پرەزيدەنت جولداۋىنا قاتىستى پٸكٸر بٸلدٸرگەن «قازاقستاندىق قوعامدىق دامۋ ينستيتۋتى» باسقارما تٶراعاسى قازبەك مايگەلدينوۆ بٸلدٸردٸ, دەپ حابارلايدى قازاقپارات.
«جولداۋدا جەر تەلٸمدەرٸن پايدالانۋ, سۋ رەسۋرستارىنا بايلانىستى مەسەلەلەر مەن كەسٸپكەرلٸكتٸ دامىتۋعا باسا نازار اۋدارىلدى. مۇنىڭ نەتيجەسٸن قاراپايىم حالىق ايتارلىقتاي سەزٸنەتٸن بولادى. مەسەلەن, ەڭ تٶمەنگٸ جالاقىنى 70 مىڭعا دەيٸن كٶبەيتۋ تاپسىرىلدى. سونىمەن قاتار, ەيەلدەردٸڭ زەينەتكە شىعۋ جاسىن 2028 جىلعا دەيٸن 61 جاس ەتٸپ بەكٸتۋ ۇسىنىلدى. بۇل ٶز كەزەگٸندە كەز كەلگەن قازاقستاندىققا تٸكەلەي ەسەر ەتەتٸن باستاما دەپ ايتۋعا بولادى», - دەپ اتاپ ٶتتٸ «قازاقستاندىق قوعامدىق دامۋ ينستيتۋتى» باسقارما تٶراعاسى.
قازبەك مايگەلدينوۆتٸڭ پٸكٸرٸنشە, جولداۋدا ايتىلعان باستامالار مەن جٷكتەلگەن تاپسىرمالار ەلدٸڭ تۇراقتى دامۋىنا كەپٸل بولماق.
«جالپى بٷگٸنگٸ جولداۋدىڭ باستى تەتٸگٸ – ەدٸلەتتٸ قازاقستان. ەربٸر قامتىلعان باعىت ەلدەگٸ ساياسي تۇراقتىلىقتى ساقتاۋ ٷشٸن جاسالىپ جاتىر. ياعني, ٸشكٸ تۇراقتىلىققا كەپٸل بولادى دەپ ويلايمىن. سونىمەن بٸرگە, اتقارۋشى بيلٸك, ٷكٸمەتكە دە سىن ايتىلدى. كەز كەلگەن باستامانى جٷزەگە اسىرۋشى – ول ٷكٸمەت. وسىعان ساي, الداعى ۋاقىتتا جەرگٸلٸكتٸ باسقارۋشى ورگانداردىڭ جۇمىسى وڭتايلاندىرىلادى», - دەدٸ قازبەك مايگەلدينوۆ.
