فۋتبولدان ۇلتتىق قۇرامامىز سوڭعى جارىم جىلدىقتا جانكٷيەر قاۋىمدى جالت قاراتقان بولاتىن. كوماندا ويىنىنا قان جٷگٸرٸپ, بارلىعىمىزدىڭ كٶڭٸلٸمٸزدە فۋتبولدا دا تولاعاي تابىستارعا جەتەمٸز بە دەگەن ٷمٸت وتى مازداعان ەدٸ. وبالى نەشٸك, تالعات بايسۋفينوۆ باستاعان بٸزدٸڭ جٸگٸتتەر بٸرنەشە سەتتٸ ويىندارىنىڭ ارقاسىندا فيفا رەيتينگٸندە 96-شى ورىنعا تابان تٸرەدٸ. سٶيتٸپ, قازاق فۋتبولى اتاسىندا كٶرمەگەندٸ بوتاسىندا كٶرٸپ, بٸر جاساپ قالعان ەدٸك.
ەۋروپانىڭ ەڭ ازۋلى كوماندالارىنىڭ بٸرٸ پولشامەن بولار ويىن الدىندا ايىر قالپاقتى اعايىندارىمىزبەن “جولداستىق” كەزدەسۋ ٶتكٸزٸپ جٷرگەنٸمٸزگە جول بولسىن! قىرعىز بەن قازاق فۋتبولى ٶزارا كەزدەسۋگە كەندە ەمەس ەدٸ. كەرەك دەسەڭٸز ول كٶرشٸلەرٸمٸزدٸ بەس گول سوعىپ تا, جەتٸ گول سوعىپ تا ۇتقانبىز. “التىن شىققان جەردٸ بەلدەن قاز” دەگەن ەدەمٸ ماقال بۇل جەرگە جاراسپاس, بۇندايدى قازاق “يت تويعان جەرٸنە توعىز بارادى” - دەيتٸن ەدٸ.
ٶكٸنٸشتٸسٸ, وسىعان دەيٸن بٸزدٸڭ قۇرامامەن جەتٸ رەت كەزدەسٸپ, جەڭٸستٸڭ دەمٸن تاتا الماي جٷرگەن قىرعىز قۇراماسى ەرلٸك جاسادى. ٶزدەرٸن وڭاي ولجاعا اينالدىرىپ جٷرگەن قازاقستان قۇراماسىن 2:0 ەسەبٸمەن ۇتىپ كەتتٸ. بۇل كەزدەسۋدٸ تاعى بٸر جەڭٸس ٷشٸن ەمەس, قىرعىز اعايىننىڭ بٸر جەڭٸس تويىن تويلاعانىن كٶرۋ ٷشٸن ٶتكٸزدٸك پە, كٸم بٸلسٸن?!
مەيلٸ, قالاي بولسادا كەزدەسۋ ٶتتٸ. ويىن ەسەبٸ بٸز ٷشٸن قاتتى ماڭىزدى ەمەس, سەبەبٸ, بۇل تەك - جولداستىق كەزدەسۋ. ماڭىزدىسى ويىن بارىسى مەن كومانداعا ەكەلەر پايدا-زييانى عانا. بۇل جەڭٸلٸس تالعات بايسۋفينوۆ كومانداسىنىڭ تٶرت ويىن جەڭٸلٸسسٸز سەريياسى سىندى اڭىزدىڭ كٷلٸن كٶككە ۇشىردى. سٶيتٸپ, قازاقستان قۇراماسىنا ٶزدەرٸنٸڭ برازيلييا نەمەسە گەرمانييا ەمەس ەكەنٸن ەسكەرتتٸ. ەندٸ ەستەرٸن جيىپ, بەلدەرٸن بۋماسا پولشا كومانداسى تاپتاپ كەتەدٸ. ٶيتكەنٸ, روبەرت لەۆاندوۆسكي مەن اركاديۋش ميليك قىرعىز بٸرٸنشٸلٸگٸندە نەمەسە قىتاي چەمپيوناتىندا دوپ تەپپەيدٸ. ولار ەۋروپانىڭ توپ چەمپيوناتتارىندا توپ باستاعان سۇرمەرگەندەر!
فيفا رەيتينگٸندە 16-شى ورىندا تۇرعان, كەشە عانا ٶتكەن ەۋروپا چەمپيوناتىندا شيرەك فينالعا دەيٸن شاپقان پولشا قۇراماسىنا قارسى دايىندىقتى دەل وسىلاي - ازييا قۇرلىعىنىڭ كەنجەلەرٸنٸڭ بٸرٸ قىرعىزدارمەن ويناپ پىسىقتاۋدىڭ قانشا جٶنٸ بار ەكەنٸن ايتۋ قيىن.
تىم قۇرىعاندا ۋكراينا, ۆەنگرييا, سەربييامەن كەلٸسسٶز جٷرگٸزٸپ كٶرسە قايتەر ەدٸ? ارمەنييانىڭ چەحييامەن كەزدەسكەنٸن, تٸپتٸ, گرۋزييانىڭ يسپانييامەن ويناعانىن كٶرٸپ جٷرمٸز عوي. ولار قازاق دالاسىن الىسسىنسا, ٶزٸمٸز-اق بارايىق سولاردىڭ ەلٸنە. ونسىزدا بارلىق جولداستىق كەزدەسۋلەرٸمٸزدٸ سىرت الاڭدا ٶتكٸزٸپ جٷرمٸز عوي. سىرت الاڭدا دەمەكشٸ, بٸز بيىلعى جىلعى تٶرت جولداستىق ويىننىڭ بارلىعىن سىرت الاڭدا ٶتكٸزدٸك. نە ٷشٸن ٶز ەلٸمٸزدە بٸرەر كەزدەسۋ ٶتكٸزٸپ, دايىندىق جاسامايمىز?
ەگەر ەلەم چەميوناتىنا بارامىز دەپ ماقسات قوياتىن بولساق, سوعان لايىق جۇمىس جاسالۋى كەرەك. 4 قىركٷيەك “استانا-ارەنادا” پولشانى قابىلدايمىز ەكەن, ەندەشە, بٷگٸن بٸشكەكتە قىرعىزدارمەن ەمەس استانادا جوعارىدا اتالعان كوماندالاردىڭ بٸرٸمەن ويناعانىمىز وڭ بولار ەدٸ. ولار كەلمەگەن كٷننٸڭ ٶزٸندە كٶرشٸلەس بەلورۋسسييانى نەمەسە تٷركييانى شاقىرىپ كٶرۋ كەرەك ەدٸ. كەرەك بولسا قىتايلارشا بٷكٸل شىعىنىن كٶتەرٸپ, جول قاراجاتتارىن تٶلەپ. وسىلاي جاعداي جاساپ بەرگەندە عانا كوماندا ويىنشىلارىنان وڭ نەتيجە تالاپ ەتۋگە بولادى.
قىرعىزدارعا قارسى ٶتكەن كەزدەسۋ قۇراما ساپىنا ٶزگەرٸس كەرەك ەكەنٸن, پولشاعا قارسى بۇلاي ويناۋعا بولمايتىنىن كٶرسەتتٸ. نەگٸزگٸ قۇرام تٶمەندەگٸدەي بولدى: قاقپادا - داۆيد لورييا. قورعاۋشىلار تٶرتتٸگٸ - گافۋرجان سۋيۋمباەۆ, سەرگەي مالىي, ۆيكتور دميترەنكو, ەلدوس احمەتوۆ. ورتالىق الاڭدا ويناعان ماقسات بايجانوۆ, سامات سماقوۆ, يسلامبەك قۋات, ابزال بەيسەبەكوۆ تٶرتتٸگٸ شابۋىلدان گٶرٸ قورعانىسقا بٸر تابان جاقىن ويىنشىلار. باپكەر بۇل تٶرتەۋٸن قاتار شىعارىپ, شابۋىل شەبٸن ەلسٸرەتٸپ, قارسىلاس قورعاۋشىلارىنىڭ جۇمىسىن جەڭٸلدەتە تٷستٸ. شابۋىلدا - سەرگەي حيجنيچەنكو جەنە وعان باۋىرجان يسلامحان كٶمەكتەستٸ. ماقسات بايجانوۆ پەن ۆيكتور دميترەنكو كومانداعا كٶمەكتەسۋگە تىم دايىن ەمەس سەكٸلدٸ, سماقوۆتا سەل شارشاڭقى كٶرٸندٸ. دميترەنكونىڭ پولشاعا قارسى ويىنعا شىقپايتىنى سٶزسٸز. پاۆلودارلىق قورعاۋشى ەلدوس احمەتوۆتىڭ نە سەبەپتەن نەگٸزگٸ قۇرامدا شىققانى تٷسٸنٸكسٸز. ماۋسىم ايىنان بەرٸ جاراقاتىنا بايلانىستى "ەرتٸس" ساپىندا بٸردە-بٸر كەزدەسۋدە الاڭعا شىقپاعان ەدٸ عوي. سونىمەن قاتار, سماقوۆ پەن بايجانوۆتى دا ويلاستىرۋ كەرەك سەكٸلدٸ. قانشا ارداگەر ويىنشىلار بولعانىمەن, ەكەۋٸ دە بيىلعى ماۋسىمدى سەتتٸ ٶتكٸزٸپ جٷرگەن جوق. ويىندى جٸتٸ باقىلاعان بايسۋفينوۆ باستاعان باپكەرلەر توبى بٷگٸنگٸ قاتەلٸكتەردەن ساباق الا وتىرىپ, جاۋاپتى كەزدەسۋگە قارسى جاقسى تاكتيكا دايىندايدى دەپ سەنەمٸز.
ەرينە, بۇل ويىندا تٷرلٸ سەبەپتەرمەن ۇلتتىق قۇرامامىزعا يۋريي لوگۆينەنكو, سەرٸكجان مۋجيكوۆ, تاڭات نٶسەرباەۆ, ۇلان قونىسباەۆ كٶمەكتەسە المادى. سونىمەن قاتار, قوسالقى قۇرامدا وتىرىپ, تەك ويىننىڭ ەكٸنشٸ جارتىسىندا شىققان دميتريي شومكو, ازات نۇرعاليەۆ, اسحات تاعىبەرگەن بار.
سٶز سوڭىندا جولداستىق كەزدەسۋدٸ ەر قۇراما ٶز پايداسىن كٶزدەي وتىرىپ, الدا بولاتىن رەسمي كەزدەسۋلەرگە دايىندىق رەتٸندە ٶتكٸزەتٸنٸن, ونىڭ اتى زاتىنا ساي تەك “جولداستىق” كەزدەسۋ عانا بولماۋ كەرەك ەكەنٸن ەسكەرتكٸم كەلەدٸ.
قۋانىش قاپپاس,
ۇلت پورتالى
